Ol qumar oıynnan utylyp qalǵan.
Shymkentte oıyn klýbynan tórt mıllıon teńge urlap ketken er adam ustaldy, dep habarlaıdy Almaty-akshamy.kz
Oblystyq polısıa departamentiniń baspasóz qyzmetiniń málimetinshe, ol buǵan deıin 3 mıllıon 800 myń teńgesin utqyzyp, materıaldyq shyǵynnyń ornyn qaraqshylyqpen tolyqtyrýǵa bel býǵan.
"Mekeme qyzmetkerin pyshaqpen qorqytqan qaskúnem seıftegi 4 mıllıon teńgeni alyp, izin sýytqan. Jábirlenýshi bolǵan jaıtty dereý polısıaǵa habarlaǵan", delingen Shymkent qalasy polısıa departamenti taratqan habarlamada.
Jedel ýákilderi kúdiktini qala aýmaǵynda "izin sýytpaı" ustady.
Vedomstvo ókilderi 28 jastaǵy jergilikti turǵyn ÝUI-ǵa qamalǵanyn, qazir QR QK 192-baby boıynsha tergeý júrip jatqanyn habarlady.