Qazaqstanda aýyldyń ishinde mal júrse 40 myń teńge aıyppul salynyp jatyr, dep habarlaıdy aqshamnews.kz
Ulysmedıa portalynyń málimetinshe, Aqtóbe oblysy Taldysaı aýylynyń turǵyndary aıyppuldan qutyla almaı otyrmyz deıdi.
- Onda aýylda ne úshin turamyz? Qaladan nege úı alyp ketip qalmaımyz? Osy jerde mal ustaý úshin, taza qoldan shyqqan et, sútimizdi ishkimiz keledi. Maldyń bárin aýyldyń shetine aparyp, baqtashylarǵa beremiz. Ótken joly jylqylarymdy baqtashylarǵa berdim. Ár basyna 5 myń teńgeden tóleımin. Al zeınetaqym az, 55-aq myń, – deıdi aýyl turǵyny.
Taldysaı aýylynda 1977 jyldan beri turatyn Roza esimdi turǵynnyń sózinshe, munda buryn halyq eginshilikpen aınalysqan.
- Qazir árqaısy bólek sharýa qojalyǵymen aınalysady. Aýylda másele kóp. Mysaly shóp qymbat. Mal jaıatyn jer joq. Al mal aýylda júrse aıyppul salady. Qazir bir ǵana baqtashy bar. Bárimiz soǵan aıdaımyz. Ár mal basyna aı saıyn aqsha tóleımiz, – deıdi turǵyn.
Onyń sózinshe, kóshede mal ketip bara jatsa, ony ýchaskelik polıseı kórse aıyppul salady.