Saıahatshylar saparlaıtyn aılardy durys tańdasa, Maldıv araldaryna 85% jeńildikpen bara alady.
Travel + Leisure málimetinshe, 2023 jyldyń sońynda Bounce zertteý nátıjelerin jarıalady. Onda álemniń tanymal týrısik baǵyttarynyń eń arzan kezeńderi kórsetilgen.
Naqty merzimdi anyqtaý úshin Bounce 70 tanymal týrısik orynnyń tizimin jasaqtady. Sodan keıin jyl aılary men apta kúnderi boıynsha qonaqúıdiń ortasha qunyn tabý úshin Kayak týrısik izdeý júıesin paıdalandy. Osy málimetterdiń negizinde jyldyń eń arzan jáne eń qymbat aılarynda úsh juldyzdy qonaqúıdiń ortasha baǵa aıyrmashylyǵyn eseptedi.
Bounce derekterdi taldaý barysynda jyl mezgili saıahat qunyna qalaı áser etetinin zerdeleı kele "qańtar - eń arzan aı" degen qorytyndyǵa keldi. Iaǵnı qańtar aıynda aqshańyzdy únemdep, 15 túrli qalada tómen baǵada demala alasyz. Bulardyń qatarynda London, Amsterdam jáne Berlın sıaqty tanymal týrısik baǵyttar bar.
Ekinshi orynǵa aqpan aıy turaqtady. Dál osy aıda Nú-Iork, Parıj jáne Mılandy qosa alǵanda, 12 túrli qalada tómen baǵada saıahattaýǵa bolady. Sondaı-aq Maldıv araldary sıaqty qymbat baǵyttardy tańdaǵan saıahatshylar qańtardan tamyz aıyna deıin barsa, 85 paıyzǵa deıin únemdeı alady.
Endi saıahattaý arzanǵa túsetin kúnderge keler bolsaq, zertteý qorytyndysy tańǵaltpaı qoımaıdy. Sebebi kóptegen adamda senbi kúni saıahatqa shyǵý qymbatqa túsedi degen pikir qalyptasqan. Sonymen týrıser senbide Las-Vegas, Dýblın jáne Mılan sıaqty oryndardy qosa alǵanda, 17 qalada eń arzan baǵada tura alady eken.
"Bul ártúrli faktorlarǵa baılanysty bolýy múmkin. Onyń ishinde demalys kúnderi issaparlarǵa suranystyń tómendigi de áser etýi yqtımal. 2022 jylǵy zertteýimizde de senbi - eń arzan kún boldy", - dep atap ótti kompanıa.
Jeksenbi, juma jáne dúısenbi kúnderi ekinshi orynnan kórindi. Aptanyń dál osy kúnderi Praga, Barselona, Rım, Sıngapýr jáne Maıamı sıaqty iri baǵyttardy qosa alǵanda, 10 túrli qalaǵa tıimdi baǵada saıahattaýǵa bolady.