AirAsia X (AAX) Kýala-Lýmpýrdan Almatyǵa deıingi alǵashqy tikeleı reısin sátti iske qosty. Bul jańalyqty merekeli is-sharada atap ótkennen keıin, Air Asia X «Kazakh Tourism» ulttyq kompanıasymen strategıalyq yntymaqtastyq boıynsha ózara túsinistik týraly memorandýmǵa qol qoıdy.
Memorandým Qazaqstan men Malaızıa arasyndaǵy týrızmdi ilgeriletý barysyndaǵy áýe kompanıasy men uıym arasyndaǵy komersıalyq yntymaqtastyqty keńeıtýdi kózdeıdi. Sondaı-aq, memorandým bıznes úshin jańa múmkindikter ashýǵa, birlesken satý men marketıńtik naýqandardy damytýǵa, oǵan qosa, týrızm arqyly eki eldiń ekonomıkasyn yntalandyrýǵa kómektesedi.
Strategıalyq seriktes retinde AirAsia Almatyǵa Malaızıa men Ońtústik-SHyǵys Azıa elderinen saıahatshylar ákelip qana qoımaı, Kýala-Lýmpýr arqyly qazaqstandyq týrıser úshin atap ótilgen aımaq boıynsha 130 jańa baǵyt ashady. Kompanıalar birlesken konferensıalar, týrısik kórmeler men basqa da is-sharalar arqyly Ońtústik-SHyǵys Azıada Malaızıa men Qazaqstannyń týrısik ónimderin damytýdy kózdeıdi.
Ózara túsinistik týraly memorandýmǵa AirAsia X kompanıasynyń bas dırektory Benámın Ismaıl men «Kazakh Tourism» AQ basqarma tóraǵasy Qaırat Sádýaqasov qol qoıdy. Sonymen qatar saltanatty sharaǵa Malaızıanyń Qazaqstandaǵy Elshisi Joǵary Mártebeli Mohda Adlı bın Abdýlla; Capital A atqarýshy tóraǵasy Datýk Kamarýdın Meranýn; jáne AirAsia X tóraǵasy Dato Fam Lı I qatysty. Sondaı-aq Almaty halyqaralyq áýejaıynyń, Qazaqstannyń Azamattyq avıasıa basqarmasynyń ókilderi men salanyń basqa da mamandary qatysty.
Benámın Ismaıl, AirAsia X kompanıasynyń bas dırektory:
«Bul strategıalyq odaq Malaızıa úshin de, Qazaqstan úshin de mańyzdy qadam bolyp tabylady. Bul saıahat sapasyn jaqsartý ǵana emes, sonymen qatar bizdiń ekonomıkamyzdy qoldaýǵa baǵyttalǵan is. Biz qaıda ushsaq ta, bizdiń básekege qabiletti tarıfterimiz áýe saıahatyn yntalandyryp, jumys oryndaryn qurý men ekonomıkalyq ósýdiń negizgi qozǵaltqyshy bolyp tabylatyn týrızm sektoryna úlken yqpal etedi».
Qaırat Sádýaqasov, «Kazakh Tourism» kompanıasynyń Basqarma tóraǵasy:
«Biz AAX-ti elimizde qarsy alýǵa qýanyshtymyz. Air Asia-nyń bizdiń naryqqa shyǵýy Qazaqstan úshin ǵana emes, búkil Ortalyq Azıa aımaǵy úshin mańyzdy. AAX-pen yntymaqtastyq jemisti bolyp, mańyzdy saýda, komersıalyq, mádenı jáne bilim berý almasýlaryna yqpal etedi degen úmittemiz».
Eki baǵyttaǵy týrızmdi damytý maqsatynda AAX aptasyna 4 ret jıilikpen Kýala-Lýmpýr-Almaty jáne Almaty-Kýala-Lýmpýr baǵyttarynda reısterdi iske qosty. Ushaqtar ár seısenbi, beısenbi, senbi jáne jeksenbi kúnderi ushatyn bolady.
AAX-tiń Kýala-Lýmpýrdan Almatyǵa alǵashqy reısi 2024 jyldyń 14 naýryzynda 90%-dan joǵary júkteme koefısıentimen qondy. Bul áýe kompanıasy tarapynan Ortalyq Azıanyń dál júregine jasalǵan úlken qadam. Sol kúni áýe kompanıasy Almatydan Kýala-Lýmpýrǵa júkterdiń 80 paıyzdan astamyn tasymaldady. Bul kompanıanyń aımaqtaǵy jumysynyń sátti bastalǵanyn kórsetedi.