Prezıdent janyndaǵy Ulttyq Quryltaıdyń múshesi, Qazaqstan halqy Assambleıasy Keńesiniń múshesi Shaımardan Nurymov Quryltaı haqynda óz oıymen bólisti.
Aıta keterligi, ótken quryltaılardyń qorytyndysy boıynsha konstıtýsıalyq reformalar júrgizildi. Birtindep jasalǵan ózgeristerdiń nátıjesinde halyq bılikke áldeqaıda jaqyndaı tústi. Búginde qazaqstandyqtar úkimettiń, jalpy memlekettiń josparlaryn júzege asyrýǵa atsalysýda. Júrgizilip jatqan reformalar olardyń suranysyn eskere otyryp júrgizilýde. Sonymen qatar, Prezıdenttiń basshylyǵymen biz Ádiletti Qazaqstandy quryp jatyrmyz. Alǵashynda bılikke degen senimsizdik basym bolǵan bolsa, búginde jańa Qazaqstandy qurý qarqyndy júrýde. Sońǵy eki jylda kóptegen oń ózgerister boldy. Mysaly, Parlament pen jergilikti aýyl ákimderiniń saılaýy ótti. Endigi kezekte aýdan, qala ákimderin saılaý kútip tur. Munyń barlyǵy memlekettiń ashyqtyǵyn jáne azamattarǵa eldi basqarýǵa óz úlesin qosý múmkindigin kórsetetin eleýli ózgerister.
Prezıdent birinshi Quryltaıda árbir el azamaty óz oıyn aıta alatyndaı Qurultay qosymshasyn jasaý kerektigin aıtty. Sonyń nátıjesinde búginde júzden astam Quryltaı músheleri halyq pen bılik arasyndaǵy altyn kópir ispettes. Qosymshany paıdalana otyryp, árbir qazaqstandyq bılik organdarymen baılanys ornatý arqyly ekonomıkany, mádenıetti jáne t.b. damytý boıynsha qajetti usynystaryn ortaǵa salýǵa múmkindigi bar.
Memleket basshysymyz IýNESKO basshysyn qabyldaǵanda bizde qandaı tarıhı jáne tarıhı artefaktiler bar ekenin túsindirdi. Olardyń kópshiligi IýNESKO tizimine endi. Bul tek Qazaqstanda ǵana emes, búkil Ortalyq Azıa ǵylymynyń damýyna serpin berdi.
Tarıhı muramyzdy saqtaý jumystary jalǵasýda. Memleket basshysynyń bastamasymen otandyq jáne halyqaralyq 200-den astam ǵalym jeti tomdyq tarıhı kitap ázirlep jatyr. Sondyqtan tarıh – bolashaqtyń irgetasy ekenin umytpaǵanymyz jón.