5 qyrkúıek kúni tańerteń Malaızıanyń Kota-Kınabalý qalasyndaǵy jaǵajaıda sýǵa batyp ketken dep eseptelgen qazaqstandyq týrısi qutqarýshylar izdestirýde.
The Star jergilikti basylymynyń habarlaýynsha, Kota-Kınabalý qalasynyń órt sóndirý qyzmeti qutqarý operasıasyn júrgizýde, oǵan jeti adam qatysýda. Er adamnyń tiri nemese qaza tapqany ázirge belgisiz, biraq onyń teńizde shomylyp júrgen kezde sýǵa batyp ketkeni týraly kúdik bar.
«Týaran órt sóndirý stansıasynan jeti qutqarýshydan turatyn top oqıǵa ornyna 12 shaqyrym jerden jetti, olar jergilikti ýaqyt boıynsha 5 qyrkúıek, beısenbi kúni tańǵy 8:19-da shuǵyl qońyraý alǵan», — dep habarlaıdy The Star.
Er adamnyń júzý qabileti men oqıǵaǵa ne sebep bolǵany áli naqtylanbaǵan.
Tamyz aıynyń basynda Taılandta taǵy bir qazaqstandyq týrıs qaza tapqan bolatyn.