Sonymen qatar saýyqtyrýǵa járdemaqy berý esebinen olardy áleýmettik qorǵaý sharalary kúsheıtildi.
Qazaqstanda veterınarıalyq qyzmetkerlerdi áleýmettik qorǵaý sharalary kúsheıtildi. Bul týraly úkimet otyrysynda aýyl sharýashylyǵy mınıstri Erbol Qarashókeev baıandady.
«Tájirıbelik veterınarıalyq qyzmetkerlerdiń jalaqysy orta eseppen 35 paıyzǵa ósti, jalaqyǵa qosymsha aqy tóleý jáne saýyqtyrýǵa járdemaqy berý esebinen olardy áleýmettik qorǵaý sharalary kúsheıtildi», – dedi mınıstr.
Sonymen qatar mınıstr veterınarıalyq zańnamaǵa ózgerister men tolyqtyrýlar engizý boıynsha usynystar daıyndalǵanyn aıtty. Ózgerister ortalyq jáne jergilikti atqarýshy organdardyń veterınarıalyq qyzmetteri arasyndaǵy fýnksıalardyń qaıtalanýyn boldyrmaýǵa baǵyttalǵan.