Ortalyq saılaý komısıasy 19 naýryzda ótetin kezekten tys Májilis saılaýyna 25 sheteldik baıqaýshyny akkredıttedi, dep habarlaıdy Almaty-akshamy.kz.
«Búgingi tańda Ortalyq saılaý komısıasyna Syrtqy ister mınıstrliginen bir shet memleketten, 2 halyqaralyq uıymnan 25 baıqaýshyny akredıtteý usynyldy. Onyń ishinde Palestına memleketinen – 1, TMD-ǵa qatysýshy memleketterdiń Parlamentaralyq assambleıasynan – 11, EQYU Demokratıalyq ınstıtýttar jáne adam quqyqtary jónindegi búrosynan – 13 baıqaýshy. Akredıtasıadan ótkizý úshin kelip túsýine qaraı baıqaýshylar jónindegi derekter jańaryp otyratyn bolady», - dedi OSK hatshysy Muhtar Erman.
Onyń atap ótýinshe, elimizdiń Syrtqy ister mınıstrligi saılaýdy baıqaýǵa qatysý úshin halyqaralyq jáne parlamentaralyq uıymdarǵa, Qazaqstandaǵy dıplomatıalyq korpýsqa tıisti shaqyrtý jiberdi.
«Ekijaqty negizde OSK 34 shet memlekettik ortalyq saılaý komısıasyna shaqyrý jibergen bolatyn», - dedi ol.
Osydan keıin Ortalyq saılaý komısıasy 25 sheteldik baıqaýshyny akredıtteý týraly qaýly qabyldady.