Saılaýǵa túsetin úmitkerler tóleıtin jarna somasy belgili boldy.
Ortalyq saılaý komısıasy Májilis pen máslıhat depýtattyǵyna úmitkerler tóleýi tıis jarnany bekitti, dep habarlaıdy Almaty-akshamy.kz
«Saılaý týraly» zańǵa sáıkes, Májilis depýtattyǵyna árbir kandıdattyń talaptarǵa sáıkestigi tekserilgen soń, Ortalyq saılaý komısıasynyń shotyna eń tómengi jalaqynyń 15 eselengen mólsherinde saılaý jarnasyn engizý mindeti belgilenedi. Engizilgen jarna eger saılaý qorytyndylary boıynsha kandıdat Parlament Májilisiniń depýtaty bolyp saılansa nemese daýys berý qorytyndylary boıynsha daýys berýge qatysqan saılaýshylardyń keminde 5% jınasa, sondaı-aq kandıdat qaıtys bolǵan jaǵdaıda qaıtarylady», - dedi QR Ortalyq saılaý komısıasynyń múshesi Asylbek Smaǵulov komısıa otyrysynda.
Elimizde 2023 jylǵa eń tómengi jalaqy mólsheri 70 myń teńge bolyp belgilengen. Osylaısha, Májilis depýtattyǵyna saılaý jarnasy 1 mln 50 myń teńgeni quraıdy.
«Máslıhat depýtattyǵyna kandıdattyń saılaý jarnasy eń tómengi 5 jalaqyny (350 myń teńge) quraıdy. Engizilgen jarna eger saılaý qorytyndylary boıynsha kandıdat máslıhat depýtaty bolyp saılanǵan nemese daýys berý nátıjeleri boıynsha saılaýshylar daýsynyń keminde 5% jınasa, sondaı-aq kandıdat qaıtys bolǵan jaǵdaıda engizilgen jarna kandıdatqa qaıtarylady», - dedi A. Smaǵulov.
Eske sala ketsek, 19 naýryzda Parlament Májilisi men máslıhattar depýtattarynyń kezekten tys saılaýy ótedi.
18 naýryz – tynyshtyq kúni, al 19 naýryz – saılaý kúni.