Olar Maıqaıyń kentinen Pavlodarǵa kele jatqan.
Maıqaıyńdaǵy opyrylǵan shahtaǵa túsip ketken avtobýstaǵy qutqarýshylardy izdeý komısıasynyń jumys tobynda bolǵan Pavlodar oblysy ákiminiń 1-shi orynbasary jol apatyna ushyrady. Kóktaıǵaq kesirinen jol talǵamaıtyn Land Krýzer kóligi aýdarylyp ketken. Serik Batyrǵojınov pen onyń kómekshisi qazir nómiri 1-shi qalalyq aýrýhanada em qabyldaýda. Júrgizýshi aman, dep habarlaıdy Almaty-akshamy.kz.
Tereń shuńqyrǵa túsip ketken avtobýs júrgizýshisi men taǵy bir qutqarýshyny izdestirý jumystary bastalǵaly 6 táýlik ótti. Biraq nátıje joq. Buǵan deıin eki qutqarýshynyń denesi shyǵarylǵan shyńyraýda qazir arnaıy tehnıka men 130-dan astam adam jumys isteýde. Óndiristegi apattyń naqty sebebin anyqtaý úshin arnaıy komısıa jasaqtaldy.