Bul týraly Almaty qalasynyń óńirlik komýnıkasıalar qyzmetiniń alańynda Almaty qalasy boıynsha Eńbek jáne áleýmettik qorǵaý Komıtetiniń Departament basshysy Asqar Aımaǵambetov málimdedi.
2024 jylǵy 1 qańtardan bastap memlekettik járdemaqylardyń barlyq túrleri jáne bazalyq zeınetaqy tólemi QR Ulttyq Banki aıqyndaıtyn ınflásıanyń boljamdy deńgeıine sáıkes 7% – ǵa, jasyna baılanysty jáne eńbek sińirgen jyldary boıynsha zeınetaqy tólemderi 9 paıyzǵa ósedi, ıaǵnı ınflásıa deńgeıinen 2% - ǵa kóterildi, dep habarlaıdy Almaty-akshamy.kz.
Spıkerdiń málimetinshe, bazalyq áleýmettik tólemderdiń mólsherin esepteý úshin eń tómengi kúnkóris deńgeıi 2024 jyldyń 1 qańtarynan bastap 43 407 teńgeni qurady.
Zań boıynsha:
– aılyq eseptik kórsetkish (AEK) 3 692 teńge;
– eń tómengi zeınetaqy – 57 853 teńge;
– bazalyq áleýmettik tólemderdiń mólsherin esepteý úshin eń tómengi kúnkóris deńgeıi (TKD) – 43 407 teńge;
– eń tómengi jalaqy mólsheri – 85 000 teńge;
– eń tómengi memlekettik bazalyq zeınetaqy tóleminiń mólsheri – 28 215 teńge bolyp bekitildi.
Osyǵan baılanysty 2024 jylǵy 1 qańtardan bastap joǵaryda atalǵan kórsetkishterge baılanysty áleýmettik tólemder men memlekettik járdemaqylar ósýde.
Jasyna baılanysty jáne eńbek sińirgen jyldary boıynsha zeınetaqy tólemderi 9 paıyzǵa ósedi. Bul rette, 2024 jyly jasyna baılanysty jańadan taǵaıyndalatyn zeınetaqy tólemderiniń mólsherin esepteý úshin eskeriletin eń joǵary tabys 2024 jylǵy 1 qańtardan bastap 55 eselengen AEK (203060 teńge) quraıdy.
Jasyna baılanysty zeınetaqy tólemderine qosymsha memlekettik bazalyq zeınetaqy tólemi tólenedi, onyń mólsheri zeınetaqy júıesine qatysý ótiline baılanysty bolady.
Zeınetaqy júıesine qatysý ótiline 1998 jylǵy 1 qańtarǵa deıin jasaǵan jumys ótili, sondaı-aq jınaqtaýshy zeınetaqy júıesine qatysý ótili qosylady, ol jınaqtaýshy zeınetaqy qorlaryna nemese Biryńǵaı jınaqtaýshy zeınetaqy qoryna mindetti zeınetaqy jarnalaryn aýdarý kezeńdiligi boıynsha aıqyndalady.
«Almaty qalasy boıynsha zeınetaqy tólemderin arttyrý 242 myń alýshyǵa júrgiziletin bolady, olardyń ortasha zeınetaqy tólemi 134 myń teńgeni quraıdy (onyń ishinde jasyna baılanysty zeınetaqy - 93385 teńge jáne bazalyq zeınetaqy - 40711 teńge)», - dep naqtylady Asqar Aımaǵambetov.
Sarapshy Qazaqstanda bala týǵanda beriletin birjolǵy járdemaqy otbasynyń tabysyna qaramastan, otbasynda birinshi, ekinshi jáne úshinshi bala týylǵanda 38 AEK mólsherinde taǵaıyndalady. Sáıkesinshe 2024 jylǵy qańtardan bastap 140 296 teńgeni (38*3692 teńge) quraıdy.
Ana men balany qoldaý jónindegi memlekettik saıasat sheńberinde otbasynda tórtinshi jáne odan da kóp bala týylǵanda birjolǵy járdemaqy 63 AEK mólsherinde taǵaıyndalady jáne 2024 jylǵy 1 qańtardan bastap járdemaqy 232596 teńgeni quraıdy.
Múgedektigi boıynsha jáne asyraýshysynan aıyrylý jaǵdaıy boıynsha, onyń ishinde arnaýly áleýmettik qyzmetter kórsetý ortalyqtarynda turatyn jáne túzetý mekemelerindegi adamdar úshin memlekettik áleýmettik járdemaqylardyń mólsheri áleýmettik kodekstiń 177 jáne 236-baptarynda kózdelgen mólsherde belgilenedi jáne 2024 jylǵy 1 qańtardan bastap ETKK mólsheriniń ulǵaıýyna baılanysty kóteriledi (43407 teńge).
«Almaty qalasy boıynsha bul ózgeris barlyq sanattaǵy múgedektigi boıynsha 39384 KÁP alýshysyna, asyraýshysynan aırylý jaǵdaıy boıynsha 13553 járdemaqy alýshyǵa qatysty bolady", - dep atap ótti spıker.
Budan basqa, asyraýshysynan aıyrylý jaǵdaıy boıynsha Memlekettik áleýmettik járdemaqylar 2024 jylǵy 1 qańtardan bastap ETKD mólsheriniń ulǵaıýyna baılanysty (43407 teńge) kóteriledi. Asyraýshysynan aırylý boıynsha KÁP mólsheri qaıtys bolǵan (qaıtys bolǵan) asyraýshynyń asyraýyndaǵy adamdardyń sanyna, qaıtys bolý sebebine jáne eń tómengi kúnkóris deńgeıine baılanysty bolady.
Eger otbasynda:
- otbasynyń eńbekke qabiletsiz bir múshesi bolǵan kezde – 39935 teńge (TKD 0,92);
- eki eńbekke qabiletsiz múshesi bolǵan kezde – 73792 teńge (TKD 1,70);
- úsh eńbekke qabiletsiz múshesi bolǵan kezde – 97666 teńge (TKD 1,85);
- tórt eńbekke qabiletsiz múshesi bolǵan kezde – 112859 teńge (TKD 1,96);
- bes eńbekke qabiletsiz múshesi bolǵan kezde – 119370 teńge (TKD 2,03) taǵaıyndalady;
- otbasynyń eńbekke qabiletsiz alty jáne odan da kóp múshesi bolǵan kezde járdemaqynyń mólsheri árqaısysyna (130221 teńge) 3,00 TKD-nen teń úlesi retinde esepteledi;
- ata-anasynyń ekeýinen de aıyrylǵan jaǵdaıda jetim balalarǵa asyraýshysynan aıyrylý jaǵdaıy boıynsha aılyq járdemaqy árbir balaǵa 66847 teńge (1,54 TKD) mólsherinde,
- otbasynyń eńbekke qabiletsiz múshelerine – 26913 teńge (0,62 TKD) mólsherinde, biraq otbasynyń eńbekke qabiletsiz barlyq múshelerine 2,92 TKD (126749 teńgeden) aspaıtyn mólsherde taǵaıyndalady.
«Búgingi tańda Almaty qalasynyń barlyq 360 myń zeınetaqy jáne áleýmettik tólem alýshylaryna 2024 jyldyń 1 qańtaryna deıin aqparattyq júıelerdegi derekter negizinde zeınetaqy men járdemaqylardy arttyrý tolyǵymen aıaqtalady, qandaı da bir qujattardy usyný talap etilmeıdi», - dep tolyqtyrdy Asqar Aımaǵambetov.