Olar Qazaqstanda resmı túrde tirkelýge mindetti bolady.
Maınıng pen krıptobırjalarǵa qatysty zań jobasy maquldandy, dep habarlaıdy Almaty-akshamy.kz
Májilis depýtattary zań jobasyn birinshi oqylymda maquldady. Depýtat Ekaterına Smyshláevanyń aıtýynsha, maınerlerge lısenzıa berý tártibi engiziledi.
«Bul degenimiz, maınerler zańdy tulǵa retinde tirkelip, salyq salynatyn sýbektige aınalady. Maınıng-pýldar da ekonomıkanyń bir bóligi bolady», - dedi Smyshláeva.
Lısenzıany Sıfrlyq damý mınıstrligi beredi degen jospar bar. Al krıptobırjalar Halyqaralyq qarjy ortalyǵynda ornalasady. Biraq Qazaqstanda krıptovalútamen tólem jasaýǵa tyıym salynǵan. Krıptobırjalar qarjy ortalyǵynyń aıasynda ǵana jumys isteıdi. Al maınerler tabystyń 75 paıyzyn otandyq krıptobırjalarda aıyrbastaýǵa mindetteledi. Bul talap 2024 jyldan bastap engiziledi.
Qoldanystaǵy salyqtan bólek maınerlerdiń syıaqysyna qosarlanǵan qun salyǵy, maınıng pýldyń tabys salyǵy, sondaı-aq krıptobırjadaǵy operasıalar úshin tólem alynady.