Biraq bul áli dáleldengen joq.
Dúnıejúzilik densaýlyq saqtaý uıymynyń tótenshe jaǵdaılar jónindegi baǵdarlamasynyń sheshekpen kúres jónindegi hatshylyǵynyń basshysy Rozamýnd Lúıs maımyl shesheginiń uryq arqyly berilý múmkindigi týraly málimdedi, biraq bul áli dáleldengen joq, dep habarlaıdy Almaty-akshamy.kz COVID-19 taralýyna jol bermeý jónindegi VAK-ǵa silteme jasap.
Rozamýnd Lúıstiń málimetinshe, maımyl shesheginiń DNQ-sy uryqtan tabyldy, zertteý vırýstyń osyndaı úlgilerden oqshaýlanýy múmkin ekenin de kórsetti.
«Qosymsha zertteýler áli de jalǵasýda, biz muny jaqsy túsiný úshin monıtorıń júrgizip jatyrmyz. Bul - biz kóbirek bilýimiz kerek aımaq. Sperma ınfeksıasyn juqtyrý bolýy múmkin, biraq bizde áli naqty jaýap joq», - dedi ol baspasóz konferensıasynda.
Spıker qazirgi ýaqytta qan quıý kezinde maımyl shesheginiń berilý jaǵdaılary týraly habarlamalar túspegenin de aıtty.
Al álemde ony juqtyrǵandar sany 50 myńnan asty. Sońǵy jeti kúnde bul aýrýdyń 6 myńnan astam jańa jaǵdaıy anyqtaldy.
Naýqastardyń kópshiligi AQSH-ta – 17 994. Alǵashqy ondyqqa Ispanıa, Brazılıa, Fransıa, Germanıa, Ulybrıtanıa, Perý, Kanada, Nıderlandy jáne Portýgalıa kiredi.
DDU bas dırektory sársenbide Jenevada ótken brıfıńte málimdegendeı, ınfeksıa juqtyrǵandardyń jartysynan kóbi tıesili Amerıkanyń birqatar elderinde juqtyrýdyń jańa jaǵdaılarynyń sany artyp keledi.