Kúzdiń bulaı bastalýyna Jerorta teńizi men Iran aýmaǵynan jyly aýa massasynyń shyǵýy sebep bolady.
Qazaqstan aýmaǵynyń basym bóliginde kúzdiń alǵashqy aıy jaz mezgilindeı ystyq jáne qurǵaq aýa raıymen bastalady, dep habarlaıdy Almaty-akshamy.kz.
Tek elimizdiń soltústik-batysynda ǵana ótkinshi jańbyr jaýyp, kún kúrkireıdi, jekelegen aýdandarda ekpindi jel turady.
Respýblıkanyń ońtústik jartysynda kúndizgi ýaqytta termometr baǵany +35+40°S qórsetedi, soltústik jartysynda +28 +35°S jetedi.
Biraq birinshi onkúndiktiń ortasynda Reseıdiń Eýropalyq aýmaǵynyń aýdandarynan sýyq antısıklonnyń enýine jáne bıiktik jyranyń oryn aýystyrýyna baılanysty aldymen batys óńirlerde, sodan keıin soltústik-batysta, soltústikte, ortalyqta, al onkúndiktiń sońynda eldiń shyǵysy men ońtústiginde aýa raıy qubylady dep boljanyp otyr: jańbyr jaýady, naızaǵaı, burshaq jaýajy, jeldiń ekpini 15-28 m/s deıin jetedi.
Aıdyń birinshi onkúndiginiń ekinshi jartysynda aýa temperatýrasy batysta, soltústikte, soltústik-batysta, ortalyqta jáne shyǵysta túnde +3+12°S-qa deıin, kúndiz +10+20°S-qa deıin tómendeıdi. Soltústik aımaqtarda túngi ýaqytta topyraq betinde 2°S-qa deıin úsik júrýi múmkin.
Elimizdiń ońtústiginde, ońtústik-shyǵysynda qyrkúıektiń birinshi onkúndiginiń sońynda jáne ekinshi onkúndiginiń basynda aýa temperatýrasy tómendeıdi: túnde +10+17°S deıin, kúndiz +23+28°S deıin.
Aıdyń ekinshi jáne úshinshi onkúndikterinde Qazaqstannyń soltústik jartysynda aýa temperatýrasy túnde +5+13°S-tan +1+6°S-qa deıin, kúndiz +20+28°S-tan +10+15°S-qa deıin aýytqıdy, keı kúnderi túngi jáne tańerteńgi saǵattarda 2°S-qa deıin úsik júredi dep boljanyp otyr.
Ońtústik óńirlerde temperatýra aıdyń ekinshi jartysynda túnde +15+23°S-tan +3+10°S-qa deıin, taýly aýdandarda 1°S deıin, kúndiz +28+33°S-tan +18+23°S-qa deıin tómendeıdi.