Momyshulynyń erligi men soǵys jaýyngerleri jaıly aqparat berilse deımin.
«Generaldar keńesi» qoǵamdyq birlestiginiń tóraǵasy Mahmud Telegúsov Baýyrjan Momyshulynyń qurmetine «Dostyq» metro stansıasynyń ataýyn ózgertý óte mańyzdy qadam ekenin aıtty, dep habarlaıdy Almaty-akshamy.kz.
Ol Baýyrjan Momyshulynyń esimi tek Qazaqstan úshin ǵana emes, búkil álem úshin mańyzdy ekendigin aıtady.
«Baýyrjan Momyshuly Uly Otan soǵysy kezinde Máskeý qorǵanysyna qatysqan el qaharmany. Momyshuly ózine tán aıla-tásilmen nemistiń qanshama myń áskerin talqandaǵan adam. Ol soǵys kezinde jańa tehnıkany utymdy paıdalandy. Qarsy shabýyldap kele jatqan jaý áskerin aldynan tosyp almaı, óz áskerin eki jaqqa bólip, jaý áskeri jaqyndaǵanda aldymen oń jaqtan shabýyl bergen. Keıin jaý áskeri baǵytty oń jaqqa burǵan ýaqytta, sol jaqtan shabýyldaǵan eken. Onyń biregeı urys taktıkasy búgin álemde qyzý zerttelýde, - deıdi M. Telegúsov.
Onyń oıynsha, oqýshylar men stýdentter bizdiń tarıhymyzdy bilýi kerek, metro stansıalary kimniń esimimen atalatynyna qyzyǵýshylyq tanytýy tıis.
«Stansıa ataýynyń artynda Baýyrjan Momyshulynyń erliginen, Uly Otan soǵysyna attanǵan qazaqtardyń tarıhynan úzindiler berilse nur ústine nur bolar edi. Qazaq jeriniń batyrlary kóp qoı. Ony urpaq umytpaýy kerek», - dep atady birlestik tóraǵasy.