Búgin, 11 tamyzda magıstratýraǵa túsýge arnalǵan grant konkýrsyna qujattar qabyldaý bastaldy, dep habarlaıdy Almaty-akshamy.kz
Magıstratýraǵa túsýge arnalǵan keshendi testileýdi 40 myń adam tapsyrdy. Olardyń 41%-y shekti bal jınady. Ortasha kórsetkish – 70 bal. Eń joǵary bal – 136.Magıstratýrada oqýǵa 13 myńnan astam grant bólindi.
Bul týraly Ǵylym jáni joǵary bilim mınıstrligi málim etti.
Testileý qorytyndysy boıynsha 281 qatysýshynyń nátıjesi joıyldy. Onyń ishinde 189 oqýǵa túsýshi smartfon, shpargalka jáne basqa da tyıym salynǵan zattardy alyp ótýge tyrysqany úshin test tapsyrý múmkindiginen aıyryldy. Keshendi testileý kezinde erejelerdi buzǵany úshin aýdıtorıadan 89 adam shyǵarylyp, olardyń nátıjeleri joıyldy. Keshendi testileýge kirgizýdiń úsh deńgeıli júıesiniń arqasynda 2 bógde tulǵa anyqtaldy. Sondaı-aq, testileý beınejazbalaryn qaıta tekserý nátıjesinde 1 adamnyń baly joıyldy.
Bıyl magıstratýraǵa túsý erejeleri ózgergen joq. Keshendi testileý úsh bloktan turady: shet tili boıynsha test, oqýǵa daıyndyǵyn anyqtaýǵa arnalǵan test jáne bilim berý baǵdarlamalary tobynyń beıini boıynsha test.
143 bilim berý baǵdarlamalary toby boıynsha respýblıkalyq apelásıalyq komısıaǵa 15 myńnan astam ótinish tústi, onyń ishinde mazmuny boıynsha – 14 myń, tehnıkalyq sebepterge baılanysty – 1,4 myń. Apelásıalyq komısıanyń sheshimimen 181 biregeı test tapsyrmasy qanaǵattandyryldy: mazmuny boıynsha – 146, tehnıkalyq sebepterge baılanysty – 35 tapsyrma.
Shekti baldar da ózgerissiz qaldy: ǵylymı-pedagogıkalyq baǵyt boıynsha magıstratýraǵa túsý úshin 75 bal, beıindik baǵyt boıynsha 50 bal jınaý qajet.