1 qarashada magıstratýraǵa túsý úshin ekinshi keshendi testileýge jáne doktorantýraǵa túsý emtıhandaryna qujattar qabyldaý bastalǵan.
Magıstratýra men doktorantýraǵa túsý úshin qujat qabyldaý merzimi 18 qarashany qosa alǵandaǵy merzimge uzartyldy, – dep habarlaıdy Almaty-akshamy.kz Bilim jáne ǵylym mınıstrligine silteme jasap.
Qazaqstandyqtardyń ótinishterin eskere otyryp, endi keshendi testileýge qatysý úshin ótinim berý merzimi taǵy úsh kúnge uzartyldy.
Buǵan deıin Bilim jáne ǵylym mınıstri Asqat Aımaǵambetov áleýmettik jelilerdegi paraqshalarynda magıstratýra men doktorantýraǵa qabyldaý jylyna eki ret, ıaǵnı dástúrli túrde jazda jáne qosymsha qysta ótetinin habarlaǵan bolatyn.
«Mınıstrlik stýdentterdiń múddelerin árqashan birinshi orynǵa qoıady. Sondyqtan mınıstr oqýǵa túsý úshin taǵy bir múmkindik berý týraly sheshim qabyldady. Testti sátti tapsyrǵan jaǵdaıda úmitkerler jazǵy qabyldaý qorytyndysy boıynsha artyq qalǵan granttardy utyp ala alady», — dep atap ótti Bilim jáne ǵylym vıse-mınıstri Qýanysh Erǵalıev.