Bıyl 13 myńnan asa grant bólingen.
Magıstratýraǵa túsýge arnalǵan keshendi testileý bastaldy, dep habarlaıdy Almaty-akshamy.kz
Bıyl magıstratýraǵa túsýge arnalǵan keshendi testileýge 43 myńǵa jýyq ótinish qabyldandy. Eń kóp tańdalǵan bilim berý baǵyttary qatarynda «Pedagogıkalyq ǵylymdar», «Injenerlik, óńdeý jáne qurylys salalary» jáne «Bıznes, basqarý jáne quqyq» bar.
Barlyq qalaýshylar úshin tirkeý bir jarym aı júrgizildi. Tirkelý barysynda oqýǵa túsýshi testileý ornyn ózi tańdady. Emtıhan búgin bastalyp, 10 tamyzǵa deıin jalǵasady, - dedi ǴJBM Ulttyq testileý ortalyǵynyń dırektory Rýslan Emelbaev.
Magıstratýraǵa túsý formatyna keletin bolsaq, bıyl eshqandaı ózgeris joq. Sondaı-aq, testileý nátıjelerimen kelispegen jaǵdaıda onlaın-apellásıa berýge bolady. Testilenýshi emtıhan aıaqtalǵannan keıin 30 mınýt ishinde apelásıaǵa ótinish bere alady. Apelásıa bes kún ishinde qarastyrylady, odan soń sertıfıkat oqýǵa túsýshiniń Jeke kabınetinde qoljetimdi bolady.
Shetki baldar ózgerissiz qaldy: ǵylymı-pedagogıkalyq magıstratýraǵa túsý úshin 75 bal, beıindik magıstratýraǵa túsý úshin 50 bal jınaý qajet.
Magıstratýrada oqý úshin 2023 jyly 13 myńnan astam grant bólingen. Kadrlardy daıarlaýǵa arnalǵan granttar suranysqa ıe baǵyttar boıynsha bólinedi.
Grant konkýrsyna qujattardy qabyldaý 11-14 tamyz aralyǵynda júzege asyrylady, al grant ıegerleriniń tizimi 26 tamyzǵa deıin jarıalanady. Bolashaq magıstranttardyń JJOKBU-na qabyldanýy 28 tamyzǵa deıin aıaqtalady.