Úkimettiń aýysatyny bir kún buryn jarıalanǵan edi.
Fransıada jańa mınıstrler kabıneti jumysyn bastady, dep habarlaıdy Almaty-akshamy.kz
Beısenbi kúni Fransıa prezıdenti Emmanýel Makronnyń sheshimimen Fransıa Mınıstrler kabınetiniń bir bóligi aýysty. Oǵan buǵan deıin de azamattyq qoǵam ókilderin jumystan shyǵardy degen aıyp taǵylǵan.
Degenmen mınıstrler negizgi qyzmetterin saqtap qaldy. Olar: qarjy, ishki ister, syrtqy ister, qorǵanys, ádilet jáne eńbek mınıstrlikteriniń basshylary. Bul týraly EuroNews jazdy.
Synshylar prezıdent Emmanýel Makron men premer-mınıstr Elızabet Borndy azamattyq qoǵam ókilderiniń barlyǵyn derlik qyzmetinen bosatyp, olardyń ornyna saıası qurylym ókilderin qoıdy dep aıyptady.
Úkimetke barlyǵy segiz jańa mınıstr men hatshy keldi. Makron alǵashqy kezdesýin ótkizip úlgerdi. Kezdesýde shilde aıynyń basynda polısıa kóligin tintý kezinde 17 jastaǵy jasóspirim oqqa ushqannan keıin eldi sharpyǵan tártipsizdikke "jaýap berý" qajet ekeni aıtyldy.
27 maýsym kúni tańerteń polıseıler jolda tekserý kezinde 17 jastaǵy jasóspirimdi atyp óltirgen. Tártip saqshylarynyń aıtýynsha, ol talapty oryndaýdan bas tartqan. Sonyń saldarynan birqatar qalalarda tártipsizdikter boldy.