Aqjol Meıirbekovtiń 73 jasqa qaraǵan shaǵynda ómirden ótkenin keshe habarlaǵanbyz.
Aıda Balaeva «Dos-Muqasan» ansambliniń solısi Aqjol Meıirbekovtiń jaqyndaryna kóńil aıtty, dep habarlaıdy Almaty-akshamy.kz
«Qazaq án óneriniń jaryq juldyzy, mádenıet salasynyń maıtalmany Aqjol Meıirbekov aǵamyzdyń dúnıeden ótkeni jaıly qaraly habar jetti. Arda azamat qazaq estradasynyń qalyptasýy jolynda aıshyqty iz qaldyryp, talaı býynnyń talǵamyn qalyptastyrdy. Sondyqtan tanymal tulǵanyń qazasy qalyń qazaqtyń qabyrǵasyn qaıystyrǵany anyq», - dep jazdy ol óziniń FB paraqshasynda.
Aqjol Meıirbekov óner keńistiginde ózindik jolyn qalyptastyryp, áıgili «Dos-Muqasan» ansamblimen birge eldiń ystyq yqylasyna bólenip, sońynda óshpes iz qaldyrdy. Onyń jarqyn beınesi qalyń jurtshylyqtyń jadynda máńgi saqtalary anyq.
«Marqumnyń aǵaıyn-týysy, jaqyndaryna qaıǵyra kóńil aıtamyn. Jatqan jeri jaıly, topyraǵy torqa bolsyn»! – dedi Mádenıet mınıstri.