Almatyda osy ataýmen turmystyq zorlyq-zombylyqqa qarsy mıtıń ótti.
Almatyda "Jańa adamdar" jastar qozǵalysynyń uıymdastyrýymen "Haıýandar álemine joq de" atty turmystyq zorlyq-zombylyqqa qarsy ruqsat etilgen mıtıń ótti, dep habarlaıdy Almaty-akshamy.kz
Búgin "Saryarqa" kınoteatrynyń artyndaǵy saıabaqqa 500-ge jýyq adam jınaldy. Mıtıńke qatysýshylardyń barlyǵyna kireberiste arnaıy sary-kúlgin moıyn oraǵyshtar taratyldy.
"Jańa adamdar" qozǵalysynyń jetekshisi Ásel Bádenova tilshimizge beıbit mıtıń ótkizýge ruqsat surap birneshe ret ótinish bergenin aıtty.
"Bizdiń mıtıńtiń basty taqyryby – "Haıýandar álemine joq de". Biz bul tqjyrymdamany ádeıi tańdadyq, óıtkeni bireýdi óltirip, oǵan qol kóteretin adamdar janýarlar sıaqty, túısikpen oılaıdy. Biraq bul janýarlardyń tikeleı qatysty emes. Túısikpen oılaıtyn adamdardyń haıýannan aıyrmashylyǵy joq ekenin aıtyp otyrmyz. Biraq adamdar kóbirek oılanyp, bir-birin syılaýy kerek, óıtkeni bizdi haıýannan erekshelendiretin de osy", – deıdi Ásel Bádenova.
Ol búgin mıtıńke qatysýshylar talap qoıý úshin emes, qoǵamnyń nazaryn taǵy bir ret turmystyq zorlyq-zombylyq máselesine aýdarý úshin kelgenin atap ótti.
"Biz bul jerde eshteńe talap etip otyrǵan joqpyz. Biz adamdardy ózinen bastaý kerek ekeni, zorlyq-zombylyq tarıhyna núkte qoıýá kerek ekeni jóninde oılanýǵa shaqyramyz. Ózimiz ózgere bastaǵanda, biz bir-birimizdi qurmetteı bastaımyz", – dedi ol.
Mıtıńige marqum Saltanat Núkenovanyń aǵasy Aıtbek Amangeldi de qatysty. Ol sahnaǵa qaıtys bolǵan qaryndasynyń sýretin ala shyqty.
"Bul – meniń qaryndasym Saltanat. Sońǵy eki aptada bizdiń ómirimiz túbegeıli ózgerdi. Men qanshama qaıǵyny, qorqynyshty kórdim, qazir qıyn jaǵdaıda júrgen qanshama qyzdyń áńgimesin tyńdadym. Basymyzdaǵy qaıǵy-qasiretti eshqashan umyta almaımyn. Ókinishke óaraı, bizdiń álem osyndaı. Sondyqtan óz qolymyzǵa alýymyz kerek, jańa zańdardy qalyptastyrýda qoǵam men halyqty baqylaýǵa alýymyz kerek. Ásirese, turmystyq zorlyq-zombylyq qarsy kúres turǵysynan", – dedi Aıtbek Amangeldi.
Onyń aıtýynsha, eń aldymen árkim ózinen bastaýy kerek – turmystyq zorlyq-zombylyq faktileri týraly ashyq aıtýy, kómek suraýy kerek. "Bárimiz únsiz otyrsaq, eshteńe ózgermeıdi".
"Keshke qaraı qalany aralap júrip, úılerdi qarap, qazir qansha páterde áıelderge qatysty zorlyq-zombylyq bolyp jatqanyn elestetemin, biraq biz ony bilmeımiz. Kóbine bile tura, jaı ǵana ótip ketemiz. Ár kez muqtaj jandarǵa kómektespeý arqyly biz janymyzdyń bir bóliginen aıyrylyp qalamyz", – dedi ol.
"Otbasymmen bul joldy ózimiz tańdaǵan joqpyz. Biz kóp nárseden aıyryldyq, qaıǵy-qasiret shektik. Eń bastysy, bul kúıde bizdiń basymyzdan ótip jatqan jaıtty eshkim eshqashan sezinbese eken deımiz. Bir-birimizdi jerge qaratpaı, kómekteseıik", - dep túıindedi sózin Aıbek Amangeldi.
Mıtıń sońynda qatysýshylar tordaǵy manekenderge belgili turmystyq zorlyq-zombylyq jaǵdaılary jazylǵan plakattardy ilip qoıdy.