Muhtar Áýezovtiń Amerıkaǵa sapary Keńes Odaǵy men AQSH Úkimetiniń arasyndaǵy «Mádenı, tehnıkalyq jáne bilim salasyndaǵy qarym-qatynas» týraly kelisimniń nátıjesi bolatyn.
60 jyldan astam ýaqyt ótken soń, AQSH dıplomatıalyq mısıasynyń qoldaýymen qazaq jáne aǵylshyn tilinde jaryq kórip otyr, dep habarlaıdy Almaty-akshamy.kz 24.kz-ke silteme jasap.
«Kitapty úlken qyzyǵýshylyqpen oqydym. Ol eki eldiń tarıhyndaǵy eń qyzyqty kezeńder týraly áser qaldyrdy. Osydan 60 jyldan astam ýaqyt buryn AQSH pen Keńes Odaǵy eki el arasyndaǵy mádenı baılanystardy qurý arqyly ózara túsinistikke qol jetkizemiz degen kelisimge keldi. Muhtar Áýezovtiń osyndaı mádenı qarym-qatynastyń alǵashqy delegasıasynyń quramynda bolýy úlken baqyt dep esepteımin», - dedi Almatydaǵy AQSH Bas konsýly Kerolaın Sevıdj.
Jazýshy Amerıkanyń ártúrli salalardaǵy jetistikterin, tabıǵatynyń ásemdigin, amerıkalyqtardyń turmys-tirshiligin qaǵaz betine túsirgen. Kitaptyń tusaýkeserinde Muhtar Áýezovtyń jolsapar jazbalarynan úzindiler oqyldy.
«Muhtar Áýezov Amerıkanyń eń iri qalalaryn aralady. Ol Vashıngtonda, Nú-Iorkte, Bostonda, Fenıks qalasynda, Arızona shtatynda boldy. Ol tipti Dısneı Lendke bardy, Gollıvýdta boldy, ýnıversıtetterde, mektepterde kóptegen kezdesýler ótkizdi, sonymen qatar Vashıngtondaǵy AQSH Kongresiniń kitaphanasynda bolyp, amerıkalyq jazýshylarmen jeke kezdesýler ótkizgen. Qazaq jáne aǵylshyn tilinde jaryq kórgen «Amerıka áserleri» kitabyn «Kitap.kz» platformasynan qyrkúıek aıynyń sońyna deıin tegin oqýǵa bolady», - deıdi Áýezov murajaı-úıiniń dırektory Dıar Qonaev.