Bul týraly QR Ǵylym jáne joǵary bilim mınıstri Saıasat Nurbek joǵary oqý ornynyń 80 jyldyq mereıtoıynda habarlady.

Búgingi tańda Auezov University akademıalyq jáne ǵylymı qyzmette tamasha nátıjeler kórsetýde. Sońǵy tórt jylda ýnıversıtet ǵalymdary hımıalyq tehnologıa, qurylys, fýd-ınjınırıng, bıo jáne nanotehnologıa jáne t. b. salalarda bes mıllıard teńgeden astam granttyq jobalar men baǵdarlamalardy oryndady.

«80 jyldyq mereıtoı biz úshin merekelik is-shara ǵana emes, sonymen qatar búgingi kúnniń shyndyǵyn baǵalaý men ýnıversıtettiń damý bolashaǵyn tereń taldaý. Búgingi tańda Áýezov ýnıversıteti qarqyndy damyp, strategıalyq seriktestikti qarqyndy damytýda», - dep atap ótti M.Áýezov atyndaǵy OQÝ rektory Darıa Qojamjarova.

JOO arqasynda óńirge bir mıllıard teńgeden astam somaǵa Investısıalar túrindegi komersıalandyrý júrgizilgen.

Búginde Auezov University elimizde óńirler arasynda qýatty stýdenttik korpýsqa ıe - jıyrma segiz myńnan astam stýdenti bar;

- «JOO úzdik oqytýshysy» ataǵynyń 300 ıegeri;

- «Bolashaq» halyqaralyq baǵdarlamasynyń 80 túlegi;

- Ǵylym salasyndaǵy memlekettik syılyqtyń 8 laýreaty, akademıkter jáne Korra múshesi

- Nobel syılyǵynyń laýreaty - RAE KVON CHÝNG.

Qazir ýnıversıtet ulttyq jáne halyqaralyq reıtıńterde kóshbasshylyq orynǵa ıe, Azıadaǵy úzdik 150 ýnıversıtettiń qataryna kirip, 4 QS juldyzymen marapattalǵan. Sondaı-aq, «Eń jasyl kampýs retinde» Green Metric ýnıversıtetteriniń turaqtylyǵy boıynsha álemdik reıtıńte kósh bastap tur.

Aıta keteıik, JOO tarıhynda 5000-nan astam qorǵaý qujattary men patentter alyndy. Ǵylymı jáne ǵylymı-tehnıkalyq jobalar men baǵdarlamalardy oryndaýǵa 350 jetekshi sheteldik ǵalymdar tartyldy. 80 jyl ishinde ýnıversıtet álemniń 25 elinde jumys isteıtin eki júz qyryq myń túlek shyǵardy.