Bul aqsha keńseniń seıfinde turǵan.
Qyrǵyzstanda Bas prokýratýranyń qyzmetkeri qylmystyq istiń zattaı aıǵaǵy retinde alynǵan 740 myń dollardy báske tigip aıyrylyp qaldy, dep habarlaıdy Almaty-akshamy.kz 24.kg saıtyna silteme jasap.
Bas prokýratýranyń tergeý basqarmasynyń bastyǵy Rýstam Abdýrasýlov býkmekerlik keńsede báske tikken aqsha «Keremet bank» isi boıynsha zattaı aıǵaq. Qylmystyq isti Áskerı prokýratýra tergep jatyr.
«Bas prokýratýranyń tekserýinen keıin bank isi Áskerı prokýratýraǵa berildi. Abdýrasýlov aqshany jańa tergeýshige berýi nemese bankte saqtaýy kerek edi», - delingen saıt taratqan aqparatta.
Rýstam Abdýrasýlov asa iri kólemdegi aqshany jymqyrdy degen kúdikpen keshe ustalǵan bolatyn.