Almatyda shilde aıynyń sońy men tamyzdyń ortasy – lotostyń gúl ashatyn ýaqyty.
Bul sulýlyqty Pervomaı toǵanynan kórýge bolady. Qazir qalalyqtar osy keremet kórinisti tamashalap, gúlderdiń arasynda sýretke túsý úshin arnaıy aǵylyp baryp jatyr. Bul jer almatylyqtarǵa áleýmettik jeliler arqyly 2019 jyly belgili boldy.
Turǵyndardyń aıtýynsha, qasıetti gúl munda ótken ǵasyrdyń 60-shy jyldarynyń sońynda paıda boldy, keıinirek ol tez óse bastaǵan. Jalpy, lotos gúli tazalyqtyń belgisi bolyp esepteledi. Onyń búrshikteri kúnniń alǵashqy sáýlelerimen ashylady. Aldymen japyraqtary ashyq qyzǵylt tústi bolady da birtindep qyzylǵa aınalady. Ymyrttyń bastalýymen olar tańerteń qaıtadan gúldený úshin sý astyna jasyrynady. Aýmaqqa kirý 2 myń teńge turady. Jaǵalaýda jalǵa beriletin arnaıy kúrkeler bar. Al tańǵy 5-te kelgenderge bar sulýlyqty tegin tamashalaýǵa bolady.
Qaladan avtokólikpen jarty saǵatta jetýge bolady. Pervomaıskıı toǵandary Almaty oblysynyń İle aýdanynda, Soltústik aınalma jolynan 17,5 shaqyrym jerde ornalasqan. Al qoǵamdyq kólikpen barsańyz, «Pervomaıskıe prýdy» aıaldamasynan keıin shamamen 20 mınýt jaıaý júresiz.