Almaty oblysy boıynsha Memlekettik kirister departamenti Almaty oblysyndaǵy bes saýda ornynda lısenzıasyz qyzmet pen aksızdeletin ónimderdi zańsyz satýdy anyqtady.
Barlyǵy 903 bótelke ártúrli ataýdaǵy alkogól ónimderi taýarlarǵa arnalǵan ilespe júk qujatynsyz jáne 11 620 dana sáıkestendirý quraldarymen tańbalanbaǵan temeki («Fast», «Zumerret», «Oscar» jáne t.b.) alyndy, dep habarlaıdy almaty-akshamy.kz.
Atalǵan faktiler boıynsha QR Ákimshilik quqyq buzýshylyq týraly kodekstiń 463, 283 jáne 283-1-baptary boıynsha ákimshilik is-qujattar jınaqtalyp, sotqa joldandy. Atalǵan buzýshylyqtar úshin salyq tóleýshilerge quqyq buzýshylyqtyń tikeleı nysanasy bolǵan aksızdeletin taýarlar tárkilenip, 50-den 150 aılyq eseptik kórsetkish mólsherinde aıyppul salynady.
Eske salamyz! «Etıl spırti men alkogól óniminiń óndirisin jáne aınalymyn memlekettik retteý týraly» jáne «Temeki ónimderiniń óndirisi men aınalymyn memlekettik retteý týraly» Qazaqstan Respýblıkasynyń Zańdaryna sáıkes, Qazaqstan Respýblıkasynyń aýmaǵynda tıisti lısenzıasyz, taýarlarǵa ilespe júk qujattarynsyz jáne sáıkestendirý quraldarymen tańbalanbaǵan aksızdeletin ónimdi ótkizýge tyıym salynady.