Birikken arab ámirlikterinde lısenzıasy joq sıfrly platformalarǵa qasıetti qurandy oqytýǵa tyıym salyndy.
Islam isteri jónindegi basqarma biliktiligi joq adamdardyń qasıetti kitapty oqytýdyń qaýipti jaǵy bar ekenin atap ótti. Budan bylaı Ámirlikterde bılikten lısenzıa almaı qandaı da bir ortalyq qurýǵa nemese basqarýǵa, sondaı-aq, Quran úıretýge tyıym salynady, dep habarlaıdy Almaty-akshamy.kz Islam.kz-ke silteme jasap.
Islam isteri basqarmasy óskeleń urpaqty burys aqparttan qorǵaý úshin osyndaı qadamǵa barýǵa májbúr. Sandyq platformalar arqyly Quran úıretý qyzmetin usynatyn kóptegen adamyyń din negizderin oqytýda biliktiligi nemese bilimi joq. Bul óz kezeginde qasıetti kitapty burys túsinýge jáne ıslamdyq ilimder men qaǵıdalardy qate túsinýge ákelýi múmkin. BAÁ zańnamasyna sáıkes lısenzıasyz nemese tıisti ruqsatsyz Quran oqytatyn kez kelgen adam kem degende eki aıǵa bas bostandyǵynan aıyrylady jáne/nemese 50 000 dırham mólsherinde aıyppul tóleıdi.
Qurandy oqytý lısenzıasyn alǵysy keletin adam kelesi talaptarǵa saı bolýy kerek:
Ol 21 jastan asqan bolýy kerek
Ol zańǵa baǵyný kerek
Ol densaýlyǵyna baılanysty jumysqa jaramdy bolýy kerek.
Ol testileýden jáne jeke áńgimelesýden ótýi kerek
Ol jumys isteıtin ortalyqtyń demeýshiligi bolmasa, jumysqa ruqsat alýy kerek.