Alaıaqtar Almaty polısıa bastyǵynyń atynan jalǵan habarlamalar taratyp jatyr, – dep habarlaıdy Polisia.kz.
What’sApp jáne «Telegram messendjerinde belgisiz bireýler óz profıline Almaty qalalyq polısıa departamentiniń bastyǵy Arystanǵanı Zapparovtyń sýretin paıdalanyp, azamattarmen hat jazysyp, alaıaqtyq áreketterge barmaq bolǵan.
– Almaty polısıasy, qazirgi ýaqytta, kúdikti Whatsapp jáne Telegram messendjerlerinde akkaýnt ashyp, avatarlaryna memlekettik mekeme nemese jeke uıym basshysynyń sýretin qoıyp, kenetten «QR UQK-nen tekseris» kelip jatyr dep, qol astyndaǵy qyzmetkerlerge aqshany jedel túrde ártúrli úshinshi tulǵalardyń shottaryna jiberý qajettigi týraly jazatyn alaıaqtyq áreketteri jıilep ketkenin eskertedi. Ókinishke qaraı, bul tizbekti paıdalanyp aldaıtyn jaǵdaılar jıi kezdesedi. Sondyqtan azamattarǵa kúdiktilerdiń arandatýshylyqtaryna boı aldyrmaı, mundaı habarlamalar kelgen kezde, oqıǵa týraly birinshi kezekte óziniń tikeleı basshysyna habarlaýy óte mańyzdy, – dedi Almaty polısıa departamenti.
Osyǵan baılanysty Almaty polısıasy saq jáne qyraǵy bolýǵa keńes beredi. Mundaı jaǵdaılarda dıalogty toqtatyp, polısıaǵa habarlaý qajet.