Memleket basshysy 2022 jylǵy 1 qyrkúıektegi «Ádiletti memleket. Birtutas ult. Berekeli qoǵam» taqyrybyndaǵy Joldaýynda elimizdiń ekonomıkalyq damýy, memlekettik basqarý isin jańǵyrtý, ónerkásipti kúsheıtý, bilim men ǵylym, mádenıet pen bıznesti qoldaý máselelerine aıqyn toqtaldy.
Prezıdent osy Joldaýynda «Halyq únine qulaq asatyn memleket» qaǵıdasyn ustana otyryp, el birligi men tutastyǵyn, el egemendigin, halqymyzdyń tatýlyǵy men turaqtylyǵyn saqtaýǵa shaqyrdy.
Mańyzdy másele – adam áleýetin damytý, suranysqa ıe mamandardyń biliktiligin arttyrý, Qazaqstanda ǵana emes, ózge elderde de básekege qabiletti mamandardy daıyndaý baǵytynda ıdeologıalyq jumystar júrgizý jóninde aıtty. Biz mádenıet salasynyń ókilderi retinde osy baǵytta jas, kreatıvti, eńbekqor mamandardy tartý boıynsha jumystar júrgizemiz. Damyǵan elderdiń tájirıbesine súıensek, olar myqty degen jas ǵalymdardy, bilimdi mamandardy óz salasyna tartýmen aınalysqan. Shynymen de, memleket úshin qajet, orasan zor paıdasy bar ıgi is.
Prezıdent taǵy bir mańyzdy bastama – sanaly, bilimdi, aqyl-parasaty mol jáne ǵylymı-mádenı órisi keń urpaq tárbıeleý asa qajet ekendigin basa aıtty. Biz osy oraıda Joldaýǵa qoldaý bildirý úshin, ondaǵy maqsattardy júzege asyrý baǵytynda mádenıeti bekem, rýhanıatqa jaqyn urpaq tárbıeleý isine atsalysyp kelemiz. Osy maqsattaǵy jumystardy aldaǵy ýaqytta da qarqyndy túrde júzege asyrýymyz qajet. Mýzeı jastardy, óskeleń urpaqty tárbıeleý negizi retinde úlken ról atqaryp keledi. Jas urpaqty ádepti de sanaly etip tárbıeleý úshin eń aldymen ulttyq dástúrimizdi, ádet-ǵuryptarymyzdy, dinimizdi, ata-babalardan qalǵan nasıhat-muralardy jastardyń sanasyna sińire bilýimiz kerek. Mýzeıge kelgen jastar mýzeıden ózderine qajetti aqparat alyp, bilimderin tolyqtyrady, rýhanı qýat alady. Demek, mýzeı – óskeleń urpaqtyń otansúıgishtik sezimin arttyryp, elin súıýge tárbıeleıtin birden-bir qural ekeni sózsiz.
20 qarasha kúni kezekten tys Prezıdent saılaýy ótedi. Bul saılaýdan jastar da tys qalmasa eken deımiz. Olardyń da daýysy biz úshin mańyzdy. Joldaýda aıtylǵan maqsat-mindetterdiń denin de bilimdi, jigerli, sanasy sergek jastar qolǵa alady dep senemiz.