Laýra Áliqul Hanchjoýdaǵy oıyndarda kúmis júldege qol jetkizdi
Laýra Áliqul Hanchjoýda ótip jatqan jazǵy Azıa oıyndarynyń kúmis júldegeri atandy, dep habarlaıdy QR Týrızm jáne sport mınıstrligi Sportty damytý dıreksıasynyń baspasóz qyzmeti.
WKF karateniń kýmıte baǵdarlamasynda 68 kelige deıingi salmaqtyń fınalynda Laýra jarys qojaıyny, Azıa chempıonatynyń kúmis jáne qola júldegeri Sáosáo Lıge jol berdi. Esep: 0-4.
Ulttyq qurama sportshysy jartylaı fınalda 2 dúrkin Azıa chempıony atanǵan Indonezıa atleti Seıko Djordjıa Zefanány 5-1 esebimen utqan. Onyń aldynda 68 kelide baq synaıtyn qazaqstandyq taǵy bir 2 dúrkin Azıa chempıony Hýong Zı Dınhty (Vetnam) 7-4 esebimen jeńgen.