Dimash Qudaibergen
Dımashtyń 28 jasqa tolýyna oraı «Babite» latvıalyq tálimbaǵynda Dimash Qudaibergen atyndaǵy rododendron surypynyń 8 eksklúzıvti kóshetteri paıda boldy, dep habarlaıdy Almaty-akshamy.kz Egemen.kz silteme jasap.
Sorttyń avtory – Latvıadaǵy rododendrondardyń bas seleksıoneri Gýnıta Rıhstın.
Ánshiniń latvıalyq Dimash Latvia Dears fan-klýbynyń bastamasymen 50 myńǵa jýyq adam baratyn Babite parkinde «Qazaqstan buryshy» ashylǵan. Sonymen qatar, onda Dımashtyń ájesi Mıýa Nızamýtdınovanyń qurmetine atalǵan bozǵylt qyzǵylt tústi gúlshoǵyry bar. Ol Miuaniz japyraqty sorttary dep atalady. Sondaı-aq Qazaqstan Respýblıkasynyń 30 jyldyǵyna oraı altyn-sary gúlderi bar Qazaqstan jasyl sorttary da kezdesedi.
Dimash Qudaibergen sortynyń eksklúzıvti kóshetteriniń úsheýi saıabaqta qalsa, bireýi Dımashtyń ózine syıǵa tartylady, al sońǵysy Nur-Sultan qalasynyń botanıkalyq baǵyna beriledi.
Aıta ketsek, Qazaqstan men Latvıanyń dıplomatıalyq qarym-qatynas ornatqanyna bıyl 30 jyl toldy. Soǵan baılanysty 18 maýsymda atalǵan rododendrondar parkiniń «Qazaqstan buryshynda» dástúrli kezdesý ótedi.