Mine, kópten kútken jazǵy demalysta bastaldy. Oqýshylar úshin jazǵy demalystyń qyzyqqa toly kúnderi de áli alda. Jaz jaınatyp, kún kúldirip, biz lagerge baramyz, - dep oqý jyly aıaqtalysymen mektep oqýshylary jazǵy lagerlerge barýǵa asyǵady. Jaırańdaǵan jazdyń qýanysh pen shattyqqa toly umytylmas estelikteri balalardyń osyndaı jazǵy demalys lagerinen bastaý alary sózsiz.
Almaty qalasy, Áýezov aýdanyna qarasty № 173 mektep-lıseıde Baıymbetova Láılá Muhamedjanqyzy basshylyǵymen, oqý-tárbıe prosesiniń sabaqtastyǵyn , balalardyń demalysy men saýyqtyrýynyń ártúrli qajettigin qamtamasyz etý maqsatynda mamyr aıynyń 27.05.- 7.06.24j aralyǵynda ashylǵan «Ǵajaıyp álem» jazǵy demalys lageri óz jumysyn bastap ketti.
Demalýshylarǵa qaýipsizdik erejeleri tolyq tanystyryldy. Lager toptaryna bólingen kabınetter sanıtarlyq talapqa saı bezendendirilip, balalarǵa jaıly jaǵdaı jasalýy eskerilgen. Sondaı-aq balalardyń saıahattary men ekskýrssıalaryn sapaly uıymdastyrý qarastyrylǵan. Balalardyń ómir qaýipsizdigi men densaýlyǵyna jaýaptylyq tárbıeshi ustazdarǵa júktelip otyr. Mektep janynan qurylǵan jazǵy demalys ornynda búginde 312 baldyrǵan bos ýaqyttaryn tıimdi de kóńildi ótkizip jatyr. Olardyń ishinde kóp balaly jáne áleýmettik jaǵynan az qamtylǵan otbasy balalarynyń qamtylýy basty nazarǵa alyndy.
Atap aıtsaq «Baldyrǵan» , «Balapan», «Aıala», «Kúnshýaq», «Aıgólek», «Bolashaq», «Qulynshaq», «Balaýsa» atty toptar qurylyp, jetekshileri bekitilip, jospar boıynsha kúndelikti jumystary óz deńgeıinde kóńildi de qyzyqty ótip jatqanyn aıtqym keledi. Sonymen qatar oqýshylar arasynda ártúrli oıyndar men is-sharalar uıymdastyryldy. «Ertegiler áleminde» , «Jas aspazdar baıqaýy», «Densaýlyq kúni», «Sýǵa júzýdi úırenemin», «Qysh qumyra» sıaqty ótkizilgen jumystar oqýshylardyń belsendilikteri men qyzyǵýshylyqtaryn arttyra túsýde.
Jazǵy úlken úzilis uzaq oqý jylynan keıin mektep oqýshylarynyń densaýlyǵyn bekitý, denesin shynyqtyrý kúsh jınaýy úshin berile otyryp, kelesi oqý jylyna sergektikpen oralýyna yqpal etedi desek artyq aıtqandyq emes.
Balalar úshin jaz mezgili óte paıdaly ótýi tıis. Bul mezgilde olar óz ýaqyttaryn tıimdi paıdalanyp, jazǵy demalys oryndaryna barý arqyly tanymdyq, taǵylymdyq turǵydan damı alady. Sondyqtan jaz mezgilinde osyndaı jazǵy saýyqtyrý lageri balalardyń múmkindikterin odan ári asha túsedi ,- dep aıtqym keledi.
