Lagerlerdiń jazǵy maýsymǵa daıyndyǵy baqylaýda.
Balalardyń jazǵy demalysyn uıymdastyrý boıynsha Jol kartalary ázirlendi, dep habarlaıdy aqshamnews.kz
Densaýlyq saqtaý mınıstrliginiń Sanıtarıalyq-epıdemıologıalyq baqylaý komıtetiniń málimetinshe, bıylǵy jyly balalardy saýyqtyrý uıymdaryn (lager) maýsymǵa ýaqytyly daıyndaý maqsatynda Komıtettiń aýmaqtyq bólimsheleri ákimdikpen birlesip, balalardyń jazǵy demalysyn uıymdastyrý boıynsha Jol kartalaryn ázirlep bekitti.
Jol kartalaryn iske asyrý sheńberinde:
- balalar demalysy obektileriniń sanıtarlyq-tehnıkalyq jaı-kúıin baǵalaý jónindegi vedomstvoaralyq komısıalardyń jumysyn uıymdastyrý;
- lager qyzmetkerlerimen oqytý jáne túsindirý is-sharalaryn ótkizý, sondaı-aq daıyndyqtan bastap aýysym aıaqtalǵanǵa deıingi barlyq kezeńderde sanıtarlyq-epıdemıologıalyq talaptardyń oryndalýyn baqylaý;
- balalardyń tamaqtaný, sýmen jabdyqtaý, medısınalyq qyzmet kórsetý jáne turý jaǵdaılarynyń sapasyn baqylaý kózdelýde.
Búginde konsýltasıalyq kómek kórsetý úshin ár lagerge sanıtarlyq-epıdemıologıalyq qyzmet mamandary bekitildi, olar 191 lager ókilderine keńes berdi.
Jol kartalaryn iske asyrý boıynsha monıtorıń Komıtettiń baqylaýynda.
Qazirgi ýaqytta Komıtettiń aýmaqtyq bólimsheleriniń atyna sanıtarlyq-epıdemıologıalyq qorytyndy (SEQ) alýǵa 29 ótinish kelip tústi, onyń 8-i SEQ aldy, 17-si qaralýda, 4-ne dáleldi bas tartý berildi.
Dáleldi bas tartýdyń negizgi sebebi – qujattardyń tolyq emes paketin usyný, atap aıtqanda jaryqtandyrý hattamalarynyń, mıkroklımattyń, sýdy vırýsologıalyq zertteýdiń jáne obektiniń tehnıkalyq pasportynyń bolmaýy.
Apta saıyn jańartylatyn SEQ alǵan lagerler tizimimen Komıtettiń saıtynda tanysýǵa bolady.
Sonymen qatar Komıtet jedel jeli 8-7172-74-27-05 uıymdastyrdy, onda lagerlerdiń jumysynda qandaı da bir buzýshylyqtar anyqtalǵan kezde shaǵymdanýǵa bolady.