Jaz – balalar men jasóspirimder úshin eń qýanyshty ári umytylmas mezgilderdiń biri. Bul demalys - uzaq oqý jylynan keıin mektep oqýshylarynyń densaýlyǵyn nyǵaıtý men ósip-órkendeýi. Jazǵy lager – osyndaı múmkindikterdiń barlyǵy shoǵyrlanǵan erekshe oryn. Jazǵy lager balalardyń damýyna oń áser etedi, sonymen qatar kópbalaly otbasylardyń balalary úshin ýaqytty tıimdi paıdalanýdyń qolaıly sáti.
Bıylǵy oqý jylynda №172 mektep-gımnazıasynyń bastaýysh synyp oqýshylaryna mektep janyndaǵy tegin ystyq tamaqpen qamtamasyz etilgen «Baldáýren» jazǵy lager uıymdastyryldy. Ashylý saltanatyna mektep basshysy Chormanova Alıa Sbanqulqyzy ózi qatysyp, balalarǵa jyly lebizin jetkizip, demalystarynyń qyzyqty ótýine tilektes boldy.
Lagerdiń kúndelikti jospar boıynsha tańerteńgi fleshmobtar uıymdastyrylady. Synyp jetekshiler balalardyń demalysy kóńildi, qýanyshqa toly bolýy úshin kúsh-jigerin, shyǵarmashylyq qabiletterin aıamaı, ár kúnge josparlanǵan qyzyqty merekelik is-sharalar uıymdastyrady. Tabıǵat aıasynda toptyq, sporttyq oıyndar, saıahattar ótkizilip, dúnıetanymdaryn keńeıtý maqsatynda konsert zalynda 3D formatynda túrli fılmder kórsetiledi. Túrli taqyryptaǵy asfált betine sýret salý baıqaýlary uıymdastyrylady. «Myqty jáne batyl» sporttyq estafetalarynda balalardyń asa belsendilikteri baıqalady. Synyp jetekshilerdiń uıymdastyrýymen júrgizilgen túrli «Ústel ústi» oıyndary balalarǵa qyzyqty. Ulttyq murajaıǵa saıahat erekshe áser syılaıdy.
Lagerdegi balalardyń tamaqtanýy basty nazarda. «As-adamnyń arqaýy» demekshi, balalarǵa kún saıyn as mázirine saı túrli taǵamdar daıyndalady. Balalardy tamaqtandyrý rasıonynda vıtamındi-mıneraldyq keshenmen baıytylǵan tamaq ónimderi kózdeledi.
Mektep janyndaǵy jazǵy lager ár balanyń talantyn ashýǵa jáne damytýǵa kómektesedi jáne dostarymen birge súıikti isimen aınalysýǵa múmkindik beredi. Munyń bári jetkinshekterdiń qyzyǵýshylyǵy men shyǵarmashylyq qabiletterin damytýǵa yqpal etedi. Olarǵa zertteýler men belsendi tanymdyq is-sharalarǵa qatysýǵa múmkindik beredi. Ár balanyń qaýipsizdigi basty nazarda.
Ár ótkizilgen is-shara ata-analardyń kelisimimen júrgizilip, keri baılanys retinde foto men vıdeo esepter jasalynady. Balalardyń jazǵy lagerde tıimdi ári qyzyqty ótkizgen ýaqyty ata-analardyń kóńilinen shyǵyp, alǵysyn bildirýde.
Osylaısha lagerdiń árbir kúni sándi de mándi ótýde. Bul tusta balalardyń demalystaryn tamasha ótkizýine úles qosqan synyp jetekshilerdiń eńbekterin aıta ketken jón, sebebi balalardyń kóńildi demalyp jatqandyǵy júzderinen kórinip turady.