Memleket basshysy Qasym-Jomart Toqaev qazaqstandyqtardy Qūrban aıt merekesímen qūttyqtady, - dep habarlaıdy Aqshamnews.kz.
"Barsha mūsylman qauym úshín qasıettí sanalatyn būl meıram – ımandylyq pen ízgílíktíń sımvoly.
Aıt kúnderí mūqtaj jandarǵa jaqsylyq jasap, kómek kórsetu – ata-babalarymyzdan jalǵasyp kele jatqan ıgí dástúr. Asyl dínímíz azamattardy bír-bírín qūrmetteuge, jaqyndaryna janashyr boluǵa úndeıdí. Bauyrlastyq pen syılastyqty dárípteıdí. Halqymyzdyń berekelí bírlígí osyndaı ízgí qūndylyqtardyń arqasynda nyǵaya túsedí.
Qūrban aıt – yrysty yntymaqtyń merekesí. Bíz elímízdegí tūraqtylyqtyń qadírín bílíp, tatulyqty saqtau arqyly kez-kelgen synnan súrínbeı ótíp, bıík maqsattarǵa jetemíz. Ádílettí, Taza, Qauípsíz árí Quatty Qazaqstandy bírge qūramyz.
Qūrban aıt kezínde aıtylar dūǵa-tílekter qabyl bolsyn!
Ár shańyraqqa qūt-bereke qonsyn!Aıttan aıtqa aman-esen jete bereıík!" - dedí ol.