Qyrkúıekte ortasha temperatýra respýblıkanyń basym bóliginde normaǵa jaqyn, normadan 1 gradýsqa joǵary bolady dep kútiledi, dep habarlaıdy Almaty-akshamy.kz.
Bul qubylys Batys Qazaqstan, Atyraý, Mańǵystaý, Aqtóbeniń soltústik-batys jartysynda, Qostanaıdyń soltústiginde, Soltústik Qazaqstan oblystarynyń shetki soltústik-batysynda baıqalady.
Kúzdiń birinshi aıynda jaýyn-shashyn mólsheri de respýblıkanyń basym bóliginde normaǵa jaqyn bolady.
Bul qubylys Mańǵystaý oblysy men Ulytaý oblysynda, Qaraǵandy, Qyzylorda, Túrkistan, Jambyl, Almaty oblystarynyń jáne Jetisý oblysynyń basym bóliginde, Atyraýdyń shetki ońtústik-shyǵysynda, Aqtóbe oblystarynyń shetki ońtústik-batysynda, Abaı oblysynyń ońtústik-batysynda baıqalady, dep habarlaıdy Almaty-akshamy.kz.
Qazanda aýanyń ortasha aılyq temperatýrasy respýblıka aýmaǵynyń basym bóliginde normadan 1 gradýsqa joǵary, Túrkistan, Jambyl, Almaty oblystarynyń taýly aımaqtarynda normaǵa jaqyn bolady dep kútiledi. Qazanda respýblıka boıynsha jaýyn-shashyn normaǵa jaqyn bolady dep boljanǵan.
Qarashada aýanyń ortasha aılyq temperatýrasy respýblıkanyń basym bóliginde normadan 1-2 gradýsqa joǵary, Túrkistan, Jambyl, Almaty, Mańǵystaý, Qyzylorda, Jetisý oblystarynda normaǵa jaqyn bolady dep kútiledi.
Qarashada jaýyn-shashyn mólsheri respýblıkanyń basym bóliginde normadan az bolady, normaǵa jaqyn Batys Qazaqstan, Atyraý, Mańǵystaý, Soltústik Qazaqstan, Aqtóbe, Qostanaı, Aqmola, Pavlodar oblystarynyń basym bóliginde, ońtústikte Almaty oblysynyń jartysynda, Túrkistan, Jambyl, Shyǵys Qazaqstan oblystarynyń jáne Jetisý oblysynyń taýly jáne taý bókterindegi aýdandarynda jaýady.