Byltyr 288,7 myń tonna qus eti óndirilgen.
Aýyl sharýashylyǵy mınıstrliginiń málimetinshe, bul 2021 jylmen salystyrǵanda 5,9 prosentke artyq, dep habarlaıdy Almaty-akshamy.kz
ASHM aqparatynsha, respýblıkada búginde 69 qus fabrıkasy, onyń ishinde 34 jumyrtqa jáne 29 et baǵytyndaǵy, sondaı-aq 6 asyl tuqymdy ónim sharýashylyǵy bar. Al qus basy 49,9 mıllıonnan asady.
"2022 jyldyń qorytyndysy boıynsha sharýashylyqtardyń barlyq sanatynda qus etin óndirý kólemi 288,7 myń tonnany qurady, bul 2021 jylmen salystyrǵanda 5,9%-ke artyq. 5,1 mlrd dana taýyq jumyrtqasy shyǵaryldy, bul byltyrǵy kórsetkishten 4,4%-ke joǵary", - delingen habarlamada.
Qus fabrıkalary óndirgen taǵamdyq jumyrtqanyń úlesi 75,3%, jeke qosalqy sharýashylyqtardyń úlesi 24,6% quraıdy. İshki naryq 101 prosentke qamtamasyz etilip otyr.
Vedomsto málimetinshe, bıyl birinshi jartyjyldyqta sharýashylyqtardyń barlyq sanatynda 165,2 myń tonna (+14,4%) qus eti óndirildi. Sondaı-aq shamamen 2,4 mlrd dana (-1,8%) taýyq jumyrtqasy shyǵaryldy.