Qazaq ulttyq agrarlyq ýnıversıtetiniń ujymy Memleket basshysynyń Joldaýyna baılanysty «Dóńgelek ústel» ótkizdi. İs-shara «Joldaý – kúrmeýi kúrdeli máselelerdi kótergen qujat. Bıik deńgeıde taldanyp, aldymyzǵa sheshim qoıdy» degen taqyryp aıasynda órbidi.
Jıynǵa qatysýshylardyń aıtýlarynsha, JOO stýdentteri men oqytýshy quram mańyzdy qujatqa asa jaýapkershilikpen qaraıdy. Sondyqtan Joldaýdyń ár bólimin taldap shyqqan. Olar qujat bir mezettik emes, strategıalyq mańyzy bar bolǵandyqtan jumyla oryndaýǵa nıetti.
«Qujatty júzege asyratyn bir-aq qana mehanızm bar. Ol adamdardyń ynta-jigeri, qyzyǵýshylyǵy, adaldyǵy. Basqa jol joq. Qazir sheteldik ýnıversıtettermen baılanysyp, Nıderlandy ýnıversıtetiniń osyndaǵy fılıaly ashyldy. Sheteldik ǵalymdar da kelip jatyr. Ustazdar kelip jatyr. Demek, biz burynǵy temir perdeniń ar jaǵynda, ber jaǵynda qalǵan el emespiz», – dedi tarıhshy Hangeldi Ábjanov.