Menshikti óndiristiń tómendeýi jáne ımport úlesiniń jyldar boıynsha dınamıkada 4-ten 12% - ǵa deıin ulǵaıýy baıqalady.
Sýdyń jetispeýshiligine jáne shyǵyndardyń ósýine baılanysty egis alqaptarynyń ádeıi tómendeýi baıqalady.
Bul ishki baǵa ósiminiń joǵary dınamıkasynyń basty sebebi boldy. Eger 2022 jyly kúrish baǵasynyń ósýi 36%-dy qurasa, 2023 jyly – 39%-dy qurady, bul ótken jyly 3,4%-dy quraǵan áleýmettik mańyzy bar azyq-túlik taýarlary baǵasynyń ósýiniń jalpy deńgeıinen aıtarlyqtaı asyp túsedi.
Degenmen, óndiris kóleminiń tómendeýi men kúrish baǵasynyń kóterilýiniń túpki sebepteri saqtalýda. Bul sýarmaly sýdyń jetispeýshiligi, aýyl sharýashylyǵy tehnıkasy, tyńaıtqyshtar men syrttan ákelinetin qaptama baǵasynyń kóterilýi, sýbsıdıalardyń ýaqytyly berilmeýi.
Osyǵan oraı, monopolıaǵa qarsy organ Aýyl sharýashylyǵy mınıstrligine sýbsıdıalar bólý kezinde kúrishti basym daqyldar tizimine engizý, ońtústik óńirlerdi sýmen qamtamasyz etýdi josparlaýdy uıymdastyrý, kúrish óndirýshilerine jeńildetilgen nesıelendirý úlesin arttyrý, kúrishti bólshek saýda jelilerimen tikeleı satyp alý jáne tyńaıtqyshtar men qaptama materıaldarynyń otandyq óndirisin damytý jóninde usynystar engizdi.