Jańashyldyq 2023 jylǵy 1 sáýirden bastap qoldanysqa engizildi.
1 sáýirden bastap kýrerler e-Salyq Business mobıldi qosymshasy paıdalanylatyn arnaýly salyq rejımin qoldana alady, -dep habarlaıdy Almaty-akshamy.kz QR QM memlekettik kirister komıtetiniń baspasóz qyzmeti.
«Qazaqstan Respýblıkasynyń 2023 jylǵy 20 naýryzdaǵy №213-VII Zańymen «e-Salyq Business» arnaýly mobıldi qosymshasy paıdalanylatyn arnaýly salyq rejımin qoldaný bóliginde salyq zańnamasyna ózgerister kózdelgen. Salyq kodeksiniń 686-2-babynyń 1-tarmaǵynyń 3) tarmaqshasyna engizilgen tolyqtyrýlarǵa sáıkes, arnaýly mobıldi qosymsha paıdalanylatyn arnaýly salyq rejımin qoldaný kezindegi qyzmet túrleriniń tizbesi «poshta jóneltilimderin jetkizý jónindegi qyzmetterdi qospaǵanda, kýrerlik jetkizý» qyzmet túrimen tolyqtyryldy», – delingen habarlamada.