Qazir Májilis depýtattary "Jol júrisi týraly" zańdy qarap jatyr.
Endi kúndiz kóliginiń jaryq shamyn qospaǵan júrgizýshilerge aıyppul salynbaıdy. Bul talapty saqtaý – mindetti emes. Dybys sıgnalyn paıdalaný qaǵıdalaryn buzǵandar da jaýapqa tartylmaıdy. Tek eskertýmen shekteledi, dep habarlaıdy almaty-akshamy.kz.
Qazir Májilis depýtattary "Jol júrisi týraly" zańdy qarap jatyr. Sonyń aıasynda qujatqa birqatar ózgerister engizilmek.
Máselen, sonyń biri osy qala aýmaǵynda kóliktiń jaryq shamdaryn jaǵyp júrýge qatysty bolyp otyr. Buryn bul erejeni saqtamaǵandar 3 aılyq eseptik kórsetkish demek, 11 076 teńge kóleminde aıyppul arqalaıtyn. Budan bylaı tek eskertý beriledi. Al trassaǵa qatysty burynǵy talaptar óz kúshinde qalady.
Depýtat Sergeı Ponomarev ákimshilik quqyq buzýshylyq týraly kodekstiń jańa redaksıasynda densaýlyqqa zıan kelmegen jol kólik oqıǵasy úshin júrgizýshi kýáliginen aıyrylmaıtynyn aıtty. Aıtýynsha, avtoturaq aqysyn tólemegender de jaýapkershilikten bosatylady.
Sondaı-aq, zańǵa sáıkes, ruqsat etilgen jyldamdyqty 60 shaqyrymnan asyrǵan kólik júrgizýshilerine jaza qatańdatylǵaly otyr. Olarǵa 40 aılyq eseptik kórsetkish, demek 147 680 teńge mólsherinde aıyppul salý kózdelgen.
"Bul normanyń zań talaptaryn saqtaıtyn azamattarǵa qatysy joq. Iaǵnı, jyldamdyqty 10, 20, 30, 40 shaqyrymǵa asyrý týraly ereje sol kúıinde qalady. Jtym qatty asyrǵandar úshin tártip qatańdaıdy. Máselen, qaladaǵy shekteý saǵatyna 60 shaqyrym bolsa, keıbir júrgizýshiler 120-ǵa deıin jyldamdyqty arttyrady. Mine, zań osylarǵa qatysty. Ttalqylanyp jatqandyqtan, naqty qandaı aıyppul salynaryn aıta almaımyz. Ol ózgerýi múmkin", – dedi QR İshki ister mınıstriniń orynbasary Igor Lepeha.