Aqshamnews.kz redaksıasy "Kún sany" aıdarynda aptanyń eń mańyzdy derekterine sholý jasady.
AQSH prezıdenti Donald Tramp 7 shildede Qazaqstan Prezıdenti Qasym-Jomart Toqaevqa Vashıngton 2025 jylǵy 1 tamyzdan bastap Qazaqstannan keletin barlyq taýarǵa 25 paıyz baj salyǵyn engizetinin habardar etip, hat joldady.
Keıin bul hatqa Qasym-Jomart Toqaev jaýap berdi.
"Qazaqstan Prezıdenti saýda máseleleri boıynsha rasıonaldy sheshim ázirleý maqsatynda elimizdiń konstrýktıvti dıalogty jalǵastyrýǵa daıyn ekenin jetkizdi. Qasym-Jomart Toqaev saýda problemasyna qatysty ortaq mámilege qol jetkizýge bolatynyna senim bildirdi", - dep jazylǵan habarlamada.
Aqmola oblysynda sýmen jabdyqtaý jelilerin salýǵa 21,5 mlrd teńge bólindi.
Bul qarjy elge qaıtarylǵan zańsyz ıemdenilgen aktıvter qarajaty esebinen bólindi.
Búginde óńirde sýmen jabdyqtaý salasynda 28 joba júzege asyrylyp jatyr.
Komýnaldyq qyzmeter tarıfine qatysty ózgeris
Aqyly qyzmetter birinshi jartyjyldyqta ınflásıa ósiminiń negizgi faktory boldy (16,1%). Osyǵan baılanysty Úkimet komýnaldyq qyzmetter tarıfiniń ósý qarqynyn retteý týraly sheshim qabyldady. Olardyń ósýin ishinara keıinge qaldyrdy.
Qazaqstandyq mal sharýashylyǵy turaqty ósip kele jatyr
Bıyldyń qorytyndysy boıynsha Qazaqstanda aýyl sharýashylyǵy janýarlary sanynyń jáne mal sharýashylyǵynyń jalpy ónimi kóleminiń turaqty ósip keledi. Bul týraly Úkimet otyrysynda aýyl sharýashylyǵy mınıstri Aıdarbek Saparov málimdedi.
Atap aıtqanda,
- iri qara mal basy 23,4%-ǵa artty,
- usaq mal – 7,8%-ǵa,
- jylqy – 12,2%-ǵa,
- túıe – 8,5%-ǵa,
- qus – 2,2%-ǵa ósti.
Mal sharýashylyǵynyń jalpy ónim kólemi 1,2 mlrd teńgeden asyp, 4,2%-ǵa ósti. Et (+3%), sút (+7,5%) jáne jumyrtqa (+0,3%) óndirisiniń ósken.
Qazaqstanda 48 jańa sút fermasy salyndy
Bes jylda 40 tan astam jańa sý qoımasyn salý josparlandy
Qazaqstan boıynsha 1395 tirek gıdrotehnıkalyq qurylystar (GTQ) bar. Sý tasqynyna daıyndyq maqsatynda Baseındik ınspeksıalar TJD ókilderimen, jergilikti atqarýshy organdarmen jáne «Qazsýshar» RMK-men birlesip GTQ-ny kózben sholyp tekserý júrgizedi. Bıylǵy zertteý qorytyndysy boıynsha jóndeýdi qajet etetin 560 GTQ anyqtaldy, onyń 540-y qanaǵattanarlyqsyz jáne 20-sy apatty jaǵdaıda.
Sý resýrstaryn basqarý júıesin damytý tujyrymdamasyna sáıkes, 2030 jyldyń sońyna deıin Qazaqstanda jańadan 42 sý qoımasyn salý jáne jumys istep turǵan 37 sý qoımasyn rekonstrýksıalaý josparlanǵan.