«Qazgıdromet» birneshe óńirde eskertý jarıalady
«Qazgıdromet» RMK 12 sáýir kúni aýa raıynyń buzylýyna baılanysty birneshe óńirde eskertý jarıalady, dep habarlaıdy almaty-akshamy.kz
Almaty oblysynyń túnde batysynda jáne ońtústiginde, kúndiz shyǵysynda, taýly jáne taý bókterli aýdandarynda naızaǵaı kútiledi. Soltústik-shyǵystan jel soǵady, oblystyń ońtústiginde jáne shyǵysynda ekpini 18-23 m/s quraıdy.
Kúndiz Batys Qazaqstan oblysynyń batysynda, ońtústiginde naızaǵaı oınaıdy.
Aqtóbe oblysynyń ońtústiginde, ortalyǵynda tuman boljanady.
Shymkent qalasynda keı ýaqytta naızaǵaı oınap, daýyl turady. Ońtústik-batystan jel soǵady, naızaǵaı kezinde ekpini 15-20 m/s jetedi.
Túrkistan qalasynda túnde jáne tańerteń naızaǵaı, daýyl kútiledi. Ońtústik-batystan jel soǵady, naızaǵaı kezinde ekpini 15-20 m/s quraıdy.
Kúndiz Mańǵystaý oblysynyń batysynda, shyǵysynda, ońtústiginde shańdy daýyl turady. Ońtústik-shyǵystan jel soǵady, kúndiz óńirdiń batysynda, shyǵysynda, ońtústiginde kúshi 15-20 m/s jetedi.
Nur-Sultan qalasynda 12-13 sáýirde ońtústik-shyǵystan, shyǵystan jel soǵady, kúshi 15-20 m/s, kúndiz 12 sáýirde 23 m/s artady.
Túnde jáne tańerteń Qyzylorda oblysynyń ortalyǵynda, ońtústiginde naızaǵaı oınap, daýyl turady. Jel soltústik-batystan, soltústikten soǵady, túnde óńirdiń ortalyǵynda jyldamdyǵy 15-20 m/s quraıdy.
Aqmola oblysynda ońtústik-shyǵystan jel soǵady. Óńirdiń soltústiginde, shyǵysynda ekpini 23-28 m/s artady.
Qostanaı oblysynyń ońtústiginde naızaǵaı boljanady. Shyǵystan jel soǵady, óńirdiń ońtústiginde, shyǵysynda kúshi 15-20 m/s jetedi.
Kúndiz Pavlodar oblysynyń ortalyǵynda jel soǵady, ekpini 15-20 m/s artatyny kútiledi.
Túnde Soltústik Qazaqstan oblysynyń ońtústik-batysynda jel soǵady, kúshi 25 m/s artýy yqtımal.
Qaraǵandy oblysynyń batysynda, ońtústiginde naızaǵaı kútiledi. Shyǵystan jel soǵady. Keı ýaqytta ekpini 25 m/s kúsheıedi.
Kúndiz 12 sáýirde, túnde 13, 14 sáýirde Jambyl oblysynyń shyǵysynda, taýly aýdandarynda qatty jańbyr jaýady. 12-14 sáýirde oblystyń ońtústik-batysynda, soltústik-shyǵysynda, taýly aýdandarynda naızaǵaı oınaıdy. 12 sáýirde jeldiń ekpini 25 m/s artady.