Almaty polıseıleri qala turǵyndaryn telefondaǵy kúmándi siltemelerge ótpeýge shaqyrady
Óńirlik qyzmette ótken brıfıńte Almaty qalalyq polısıa departamentiniń krımınaldyq polısıa basqarmasynyń bastyǵy Qýatbek Naýatov bul vırýstyq faıldar men qosymshalar bolýy múmkin, olar qaskúnemderge mobıldi bankıngtegi qarajatyńyzǵa qol jetkizýge múmkindik beretinin aıtty, dep habarlaıdy Almaty-akshamy.kz.
«Ár túrli saıttarǵa ózińizdiń bank kartalaryńyzdyń derekterin engizbeńiz, sebebi bul sizdiń jeke aqparatyńyzdy jınaý úshin arnaıy qurylǵan, ári qaraı sizdiń bank kartańyzdan ruqsatsyz tólem jasaý úshin paıdalanylatyn «fıshıngtik» saıttar bolýy múmkin», - dep jalǵastyrdy Q. Naýatov.
Aqshany kóbeıtýge ýáde beretin nemese úlken aqshalaı utystar týraly habarlaıtyn ınternettegi kúmándi baıqaýlarǵa qatysýdyń qajeti joq.
Azamattarǵa krıptovalútalarǵa, aksıalarǵa, baǵaly metaldarǵa jáne t.b. ınvestısıalaý arqyly úlken dıvıdendter beretin kúmándi jobalarǵa aqsha salmaý kerektigi eskertildi. Sonymen qatar, alaıaqtar ártúrli elderden joq abonenttik nómirlerden qońyraý shalyp, olardyń fırmalaryna (QuestraWorld, AssetWorldManagement) ınvestısıalaýdyń paıdasy týraly nanymdy túrde aıta alady.