Qalypty ómirge qaıta oralý kóp jaǵdaıda ózimizge baılanysty. Qazaq-Reseı medısına ýnıversıtetiniń klınıkalyq farmakologıa kýrsynyń ishki aýrýlar kafedrasynyń asıstenti Kúlzıpa Tastemirova qazaqstandyqtar vaksınasıa týraly túrli qaýesetterge senýdi qoıyp, ózderi men otbasy úshin qaýipsizdikti tańdaıtynyna senedi, dep habarlaıdy Almaty-akshamy.kz tilshisi.
«Búgingi kúni kóptegen adamdar ózderin ǵana emes, sondaı-aq jaqyndaryn qaýipti vırýstan jáne onyń zardaptarynan qorǵaý úshin vaksına alý qajet ekenin túsinedi. Eshkim jaqyndarynyń koronavırýstyń janama áserinen zardap shekkenin qalamaıdy», - deıdi maman.
Kúlzıpa Tastemirova vaksınalaý – pandemıany jeńýdiń jáne vırýstyń mýtasıa jyldamdyǵyn tejeýdiń birden-bir joly dep sanaıdy.
«Meniń aınalamdaǵy barlyq adamdar ekpe aldy: týystarym, dostarym, tanystarym, kórshilerim. Olar qazirgi jaǵdaıdyń mańyzdylyǵyn jáne kóp nárse ózimizge, bizdiń sanamyzǵa baılanysty ekenin túsinedi », - deıdi sarapshy.
Ekpe almas buryn dárigermen keńesý kerek. Óıtkeni ekpe alýǵa bolmaıtyn adamdardyń sanaty bar.
«Ujymdyq ımýnıtet qanshalyqty tez qalyptassa, soǵurlym biz qalypty ómirimizge qaıta oralamyz», - dep qorytyndylady maman.