9 naýryzda ol gıpertonıa dıagnozymen medısınalyq mekemege jatqyzylǵan
UQK Shekara qyzmeti Almaty jáne Jetisý oblystarynyń polısıa departamentiniń eks-basshysy Serik Kúdebaev resmı túrde shekarany kesip ótpegenin málimdedi, dep habarlaıdy Almaty-akshamy.kz Zakon.kz-ke silteme jasap.
Buǵan deıin Kúdebaevtyń 2023 jyldyń 3 sáýirinde sotqa kelmegeni jáne oǵan izdeý jarıalanǵany habarlanǵan bolatyn.
9 naýryzda ol gıpertonıa dıagnozymen medısınalyq mekemege jatqyzylǵan bolatyn. Sottalýshynyń aýrýyna baılanysty sot otyrystary birneshe ret keıinge qaldyrylǵandyqtan, ony sotqa májbúrlep jetkizý týraly sheshim qabyldandy.
Alaıda, 3 sáýirde onyń elde joq ekendigi belgili boldy.
Aıta ketsek, 2022 jyly 13 mamyrda Serik Kúdebaevtyń qańtar oqıǵasy boıynsha kúdikti dep tanylǵany belgili boldy. Bas prokýratýra Almaty oblysy PD-nyń eks-bastyǵy "aýyr zardaptarǵa ákelip soqtyrǵan qyzmetindegi áreketsizdik" baby boıynsha kúdikke ilingenin habarlady.
2023 jyly 31 qańtarda Serik Kúdebaev qańtar oqıǵalary kezinde Taldyqorǵannan ne úshin ketkenin aıtyp berdi.
Prokýror 28 aqpanda Almaty oblystyq polısıasynyń burynǵy bastyǵy Serik Kúdebaevqa toǵyz jyl bas bostandyǵynan aıyrý jazasyn surady.
Serik Kúdebaev 2020 jyldyń qańtar aıynan bastap Almaty oblysy polısıa departamentiniń bastyǵy qyzmetin atqaryp kelgen. Ol 2022 jyldyń 18 aqpanynan bastap İshki ister organdarynan óz erkimen bosatyldy.