«Batyl Toıtarys - 2023»
Memleket basshysy Qasym-Jomart Toqaevtyń kúshtik qurylymdardy tıimdi úılestirýdi qamtamasyz etý, olardyń jedel jáne áskerı-tehnıkalyq úılesimdiligin jolǵa qoıý, sondaı-aq vedomstvoaralyq úılesimdilikti nyǵaıtý jónindegi tapsyrmalaryn oryndaý aıasynda elimizde «Batyl Toıtarys - 2023» oqý-jattyǵýy ótedi, dep habarlaıdy Almaty-akshamy.kz.
5 sáýirde Jetisý oblysynda "Kóktal" oqý polıgonynda "Batyl Toıtarys" strategıalyq komandalyq-shtabtyq oqý-jattyǵýynyń birinshi kezeńi sheńberinde vedomstvoaralyq "Beket" oqý-jattyǵýy jáne QR Qarýly Kúshteri desanttyq-shabýyldaý áskerleri bólimshelerimen taktıkalyq oqý-jattyǵýdyń belsendi kezeńi ótedi.
Oqý-jattyǵý barysynda Desanttyq-shabýyldaý áskerleri, UQK Shekara qyzmeti, Tótenshe jaǵdaılar mınıstrligi jáne Ulttyq ulannyń bólimshelerimen birlese otyryp taýly jaǵdaılarda jáne eldi mekende urys júrgizý is-qımyldaryn pysyqtap, ár túrli ádispen desanttaýdy oryndaıdy.
Qazirgi zamanǵy áskerı qaqtyǵystardyń tájirıbesin eskere otyryp, túrli vedimistik toptardy qoldanýdy uıymdastyrýda jańa tásilder synaqtan ótkiziletin bolady.
Oqý-jattyǵýǵa 2500-den astam áskerı qyzmetshi jáne 900-ge jýyq qarý men áskerı tehnıka birligi, sonyń ishinde armıalyq, áskerı-kóliktik, maıdan avıasıasy jáne ushqyshsyz ushý aparattary qatysady.