Buǵan deıin lańkestik áreketten 93 adamnyń qaza tapqany habarlanǵan bolatyn.
Reseı Federasıasy Tergeý komıtetiniń sońǵy málimeti boıynsha, "Krokýs Sıtı Holdaǵy" teraktide qaza tapqandar sany qazir 115 boldy, dep habarlaıdy Almaty-akshamy.kz
İzdeý jumystary jalǵasýda. Marqumdardyń máıitterin tótenshe jaǵdaılar qyzmeti úıindilerdi tazalaý kezinde tapqan.
«Reseı prezıdenti Vladımır Pýtınge 11 adamnyń ustalǵany týraly habarlandy. Áńgime Krokýs Sıtı Holdaǵy teraktige qatysqan 4 lańkes týraly bolyp jatyr», dep málimdedi Kremldiń baspasóz qyzmeti.
Máskeý oblysynyń gýbernatory Andreı Vorobevtiń aıtýynsha, kóz jumǵandar sany áli de kóbeıýi múmkin.