14 jasqa deıingi 392 bala kókjótelmen aýyrǵan.
Onyń 90%-dan astamy 5 jasqa deıingi balalar arasynda baıqaldy, dep habarlaıdy Almaty-akshamy.kz
«Kókjótel jaǵdaıdarynyń kóbeıýi ujymdyq ımýnıtettiń tómendeýimen baılanysty. Ol aýa tamshylary arqyly jótelgende, túshkirgende, naýqaspen sóıleskende taralady. Infeksıanyń kózi – ekpe almaǵan balalar. Vaksınalaý – ınfeksıadan qorǵanýdyń jalǵyz joly. Josparly ekpeni turǵylyqty mekenjaı boıynsha emhanadan alýǵa bolady», - dep jazdy DSM.
Aldymen balada jalpy sýyq tıýdiń belgileri bolady: murynnan sý aǵady, dene qyzýy kóterilip, jótel paıda bolady. Birte-birte jótel kúsheıip, ustama tárizdi bolady jáne birneshe ret qaıtalanady. Ol asqynǵan jaǵdaıda ókpeniń qabynýy, mıdyń qabynýy sekildi saldarǵa ákeledi.
Kókjótelmen aýyratyn naýqastardy emdeýge arnalǵan arnaıy dári-dármek joq. Kókjótelge qarsy ekpe balanyń 2 aılyǵynan bastap, 3 jáne 4 aılyǵynda úsh ret salynady. Sondaı-aq, 1,5 jáne 6 jasar balalarǵa revaksınalaý júrgiziledi.
2 jasqa deıingi balalardy ımmýndaý úshin aralas bes jáne alty komponentti vaksınalar, 6 jastaǵy balalar úshin – Eýropada óndirilgen úsh komponentti vaksına (Sanofı Paster S.A., Fransıa) paıdalanylady.