Ronaldýǵa 2,5 jylǵa kelisimshart usynǵan.
Portýgalıa quramasynyń shabýylshysy ári kapıtany Krıshtıaný Ronaldý Saýd Arabıasynyń «Al-Nasr» klýbyna aýysýy múmkin, dep habarlaıdy Almaty-akshamy.kz QazAqparatqa siteme jasap.
Ispanıalyq «Marca» gazetiniń jazýynsha, «Al-Nasr» klýbynyń basshylyǵy Ronaldýǵa 2,5 jylǵa kelisimshart usynǵan.
Kelisim boıynsha portýgalıalyq oıynshy jylyna 200 mln eýro tabatyn bolady. Buǵan onyń jalaqysy men jarnamalyq kelisimsharttary kiredi.
Basqa klýbtar mundaı iri kólemdegi kelisimshartty usyna almaıtyndyqtan, Ronaldýdyń atalmysh komandanyń qatarynan tabylýy ábden yqtımal.
Qazirgi kezde K.Ronaldýdyń Portýgalıa quramasy sapynda Qatardaǵy álem chempıonatyna qatysyp jatqany belgili. Ol – osy dúnıejúzilik dodadaǵy klýbsyz júrgen jalǵyz oıynshy. Portýgalıa H tobynda alǵashqy eki kezdesýinde jeńiske qol jetkizip, sońǵy oıynnyń nátıjesine qaramastan, pleı-off kezeńine shyqty.
Eske sala keteıik, budan buryn Krıshtıaný Ronaldýdyń «Manchester Iýnaıted» klýbynan ketkenin, Portýgalıanyń Fransıa men Brazılıadan keıin pleı-off kezeńine shyqqanyn jazǵan bolatynbyz.
Sondaı-aq Iran-AQSH machy nesimen álem nazaryn aýdaryp otyr.
Ekvadordy joldan taıdyrǵan Senegal pleı-ofqa shyqty.
Nıderland quramasynyń shabýylshysy óz eliniń rekordyn ornatty.
Irandy jeńgen AQSH pleı-ofqa joldama aldy.